અમદાવાદનાં મેઘાણીનગરમાં તોડફોડ મામલે પોલીસે CCTV ફૂટેજ મેળવ્યાં

અમદાવાદના મેઘાણીનગરમાં ગત રાતે થયેલી બે જૂથ અથડામણમાં 20થી વધુ વાહનોમાં તોડફોડ કરાયાનો મામલો સામે આવ્યો હતો. આ મામલે મેઘાણીનગર પોલીસ સ્ટેશને ગુનો નોધાયો છે. પોલીસે સીસીટીવી ફૂટેજ પણ મેળવી લીધાં છે

અમદાવાદ:અમદાવાદમાં મેઘાણીનગરમાં બે જૂથ વચ્ચે અથડામણ થઇ હતી, તે દરમિયાનમાં રોડ પર પાર્ક કરેલા વાહનોમાં તોડફોડ કરવામાં આવી હતી અને 20થી વધુ વાહનોને નુકસાન કરવામાં આવ્યું છે. આ મામલો પોલીસ સ્ટેશન પહોંચતા પોલીસે ફરિયાદ નોંધી તપાસ શરુ કરી છે. પોલીસે આગળની કાર્યવાહી હાથ ધરતાં CCTV ફૂટેજ મેળવી લીધાં છે.

પોલીસની તપાસમાં જાણવા મળ્યુ કે રીંકુ નામના આરોપી અને તેના 2 સાગરીતોએ મોડી રાતે પોતાનું વર્ચસ્વ જમાવવા વાહનોમાં ઝંડા અને તલવાર વડે તોડફોડ કરી હતી.ઉલ્લેખનીય છે કે, રીંકુ અને તેના સાગરીતો થોડા દિવસો અગાઉ જ જેલમાંથી બહાર આવ્યા છે અને પોતાનું વર્ચસ્વ જમાવવા ટિકટોકમાં વિડિઓ પણ બનાવ્યા હતા અને વાયરલ કર્યા હતા. સમગ્ર મામલે મેઘાણીનગર પોલીસે ગુનો નોંધી આરોપીની ધરપકડ કરવાની તજવીજ હાથ ધરી છે..