અમદાવાદ: સમગ્ર દેશમાં કોરોના કાળના લોકડાઉનમાં જ્યારે જાહેર જનતા પોતાના ઘરે હતી, એવા સમયે અમદાવાદના 17 થી 18 હજાર જેટલા સફાઈ કર્મચારીઓ ખડેપગે તેમની સેવા આપી રહ્યાં હતા અને હજી પણ અનલોકના સમયમાં તેઓ સ્વાર્થ વિના સેવા કરી રહ્યાં છે.
કોરોના કાળમાં અમદાવાદમાં સફાઇ કામદારોની પ્રશંસનીય કામગીરી - લોકડાઉન
રાજ્યમાં કોરોના મહામારીના કારણે હજારો લોકોના મોત થયા છે. દરેક દેશની સરકાર, નેતાઓ, સેલિબ્રિટીઝ સૌ કોઈ કોરોના સામે લડવા માટે તકેદારી રાખવાની અપીલ કરી રહ્યાં છે. લોકો હવે હાઇજીન તરફ આગળ વધી રહ્યા છે અને એકસાથે કોરોના મહામારી સામે લડી રહ્યાં છે. આ મહામારીને પહોંચી વળવા માટે રસી શોધવાનું કામ ચાલુ છે. આ દરમિયાન મેડિકલ સ્ટાફ, પોલીસ તેમજ સફાઈ કામદાર ખડેપગે લોકડાઉન દરમિયાન અને લોકડાઉન બાદ પણ અભૂતપૂર્વ કામગીરી બજાવી છે.
કોરોના કાળમાં અમદાવાદમાં સફાઇ કામદારોની પ્રશંસનીય કામગીરી
આ સફાઈ કામદારો કોરોના પોઝિટિવ દર્દીઓના ઘરેથી કચરો ઉપાડવા માંડીને હોસ્પિટલમાં જે પણ મેડિકલ વેસ્ટ છે, તે કચરો ઊપાડીને તેને ડમ્પિંગ સાઇટ પર લઈ જવા જેવી કામગીરી નિભાવે છે. આ કામ કરતા અમદાવાદના 17 થી 18 જેટલા સફાઇ કર્મીઓના મોત પણ થયા છે. જેના માટે ગુજરાત સરકાર દ્વારા બે જેટલા સફાઇ કર્મીઓને 25 લાખની સહાય પણ પૂરી પાડવામાં આવી હતી.
કોરોના કાળમાં અમદાવાદમાં સફાઇ કામદારોની પ્રશંસનીય કામગીરી
કોરોનાની મહામારીમાં હોસ્પિટલ બાયોમેડીકલ વેસ્ટનો ફેલાવે તેની તકેદારી રાખવી જરૂરી છે. જે પ્રવર્તમાન પરિસ્થિતિમાં કોરોના મહામારીની સારવારના ઉપયોગમાં લેવાતા સાધનો બાયો વેસ્ટના ફેલાય જે માટે પહેલાથી જ શ્રેષ્ઠ વ્યવસ્થા ઊભી કરવામાં આવે છે. ખાસ કરીને બાયોવેસ્ટથી અન્ય લોકો સહિત હોસ્પિટલમાં કામ કરતા તબીબો, પેરામેડિકલ સ્ટાફ પણ સંક્રમણનો શિકાર ન બને તેનું ધ્યાન પણ રાખવામાં આવતું હોય છે. આ સંજોગોમાં સફાઈ કામદારનું કામ તેઓએ અવિરતપણે નિભાવ્યું છે અને મ્યુનિસિપલ કોર્પોરેશન દ્વારા પર જરૂરી માત્રામાં માસ્કને સેનિટાઇઝર આપવામાં આવ્યા છે.કોરોના કાળમાં અમદાવાદમાં સફાઇ કામદારોની પ્રશંસનીય કામગીરી કરી છે.