અમદાવાદમાં ગાંધી આશ્રમ ખાતે શાંતિપૂર્ણ રીતે CAAનો કરાયો વિરોધ

અમદાવાદઃ : સમગ્ર દેશમાં નાગરિક સંશોધન કાયદાનો વિરોધ કરવામાં આવી રહ્યો છે, ત્યારે ગુજરાતમાં પણ વિરોધ જોવા મળ્યો હતો. યંગ ઇન્ડિયા ડિકલેરેશન સંસ્થા દ્વારા અમદાવાદના ગાંધી આશ્રમ ખાતે વિરોધ પ્રદર્શન કરવામાં આવ્યું હતું.

યંગ ઇન્ડિયા ડિકલેરેશનના સંસ્થા દ્વારા બંધારણમાં જે સુધારા કરી કાયદાને જબરજસ્તી ઠોકી બેસાડવામાં આવ્યું છે, ત્યારે અમદાવાદ ખાતે આવેલા ગાંધી આશ્રમ ખાતે સોમવારના રોજ CAAના વિરોધ માટે લોકો એકત્રિત થયા હતાં.

આ કાયદાનો વિરોધ કરવા માટે પહેલેથી જ પોલીસની પરમિશન લેવામાં આવી હતી, જેના કારણે શાંતી રીતે વિરોધ પ્રદર્શિત કરવામાં આવ્યો હતો. આ વિરોધ પ્રદર્શન કરતા હાથમાં અલગ અલગ પ્લેકાર્ડ તેમજ બેનરો સાથે લોકોએ વિરોધ કર્યો હતો. તેમજ પોલીસ પણ વિશેષ ઉપસ્થિત રહી હતી. કોઇ બનાવ કે પછી વિરોધ હિંસક ન થાય તે માટે પોલીસ દ્વારા સાવચેતીરૂપે સંપૂર્ણ પગલાં લેવામાં આવ્યા હતાં.