સુનિલભાઈ નામના ફરિયાદીએ સાઇબર ક્રાઇમમાં ફરિયાદ નોંધાવી હતી કે, 2016માં એક્સાઇડ લાઇફ ઇન્સ્યોરન્સ કંપનીમાંથી તેમને જણાવવામાં આવ્યું કે, તમારા પિતાની પોલિસી મંજૂર થઇ છે. જે પોલીસીના તમને 1,80,000 મેળવવા હોય તો નવી પોલીસી લેવી પડશે. તેવું કહીને પોલીસી લેવડાવી પોલીસી બંધ કરાવવા, રજિસ્ટ્રેશન ચાર્જ પેટે રિફંડ આપવા માટે ઇન્કમટેક્સ તથા અન્ય સર્વિસ ટેક્સના બહાને જુદા-જુદા એકાઉન્ટમાં 37,73,097રૂપિયા બરાબર પરત નહી આપી વિશ્વાસઘાત અને છેતરપિંડી આચરી હતી.
અમદાવાદમાં ઇન્સ્યોરન્સ પોલિસીના રિફંડના નામે છેતરપિંડી આચરતી ગેંગ ઝડપાઇ.. ફરિયાદના આધારે તપાસ કરતા અને અલગ અલગ ટીમ બનાવીને ફરિયાદીને અવારનવાર બેન્ક એકાઉન્ટમાં નાણાં ભરાવવા માટે ફોન કરનાર ઈસમોના મોબાઇલ ફોનના ટેકનિકલ એનાલીસીસ કરતા તમામ લોકેશન ચેક કરતાં દિલ્હી ખાતેના મળી આવ્યા હતા. ટેકનિકલ એનાલિસિસ કરી આરોપીઓ નોઇડા, ઉત્તર પ્રદેશ ખાતે રહી ગુનાહિત પ્રવૃત્તિ કરી રહેલા હોવાનું જણાવતા રેડ કરીને તમામ આરોપીઓને ઝડપી પાડયા હતા. સાઇબર ક્રાઈમેં કુલ 24 આરોપીની ધરપકડ કરી હતી. જેમાંથી 8 પુરુષ આરોપી,અને 16 મહિલા આરોપી છે.
જે પૈકી મહિલા આરોપીઓને નોટિસ આપી સાયબર ક્રાઈમની ઓફિસે હાજર રહેવા માટે જણાવવામાં આવ્યું હતું.
આરોપીઓની પૂછપરછમાં જાણવા મળ્યું હતું કે, તેઓ એ કંપની ચલાવતા હતા. જેમાં ત્રણ પ્રોસેસ ચાલતી હતી.
1. MBBS, NEETની પરીક્ષા પાસ કરેલા હોય તેવા વિદ્યાર્થીઓને વિદેશ મોકલવા માટે માર્ગદર્શન આપવામાં આવતું હતું.
2. "one time pendtration" ફિક્સ ડિપોઝીટ સ્કીમ જેમાં એક વર્ષ માટે ફિક્સ ડિપોઝીટ કરાવવાનું કહીને પૈસા ભરાવતા હતા.
3. રિયલ એસ્ટેટની પ્રોસેસ ચલાવતા હતા.
જેમાં જે લોકોને મકાન ખરીદવાનું હોય તેને સ્થળ વિઝીટ કરાવવાનું કામ કરતા હતા. આ કંપનીઓના ઓઠા હેઠળ આરોપીઓ ભારતીય એક્સાઇડ લાઈફ ઇન્સ્યોરન્સની પોલિસીઓનો ડેટા મેળવી તેઓને રિફંડ આપવાના બહાને તેમજ પોલીસીબંધ કરાવવાના બહાને રજિસ્ટ્રેશનના ચાર્જ પેટે ઇન્કમટેક્સ તથા અન્ય ટેક્સના નામે જુદા-જુદા ફોન નંબરથી વાત કરી અલગ બેન્ક એકાઉન્ટમાં ભોગ બનનાર વ્યક્તિ પાસે પૈસા મેળવતા હતા. આરોપીઓ કોલિંગ કરવા માટે ઇન્સ્યોરન્સ પોલિસીનો ડેટા સનમ નામની છોકરી પાસેથી મેળવતા હતા. જેમાં પોલીસી ચાલુ હોય તેનો ડેટા અને પોલિસી પુરી થઈ ગઈ હોય તેનો ડેટા મેળવતા હતા. પોલીસે આરોપીની ધરપકડ કરી વધુ કાર્યવાહી હાથ ધરી છે.
