અમદાવાદ: ચેક વિતરણ કાર્યક્રમ હેઠળ અમદાવાદ જિલ્લાની 6 નગરપાલિકાઓને રૂપિયા 13.75 કરોડ અને અમદાવાદ મહાનગરપાલિકાને રુપિયા 325 કરોડની ફાળવણી કરવામાં આવી છે. આ અંતર્ગત અમદાવાદ કલેક્ટર કચેરી ખાતે વિધાનસભાના અધ્યક્ષ રાજેન્દ્રભાઈ ત્રિવેદી અને ઘેટા-ઉન વિકાસ નિગમના ચેરમેન ભવાનભાઈ ભરવાડના હસ્તે ચેક અર્પણ કરવામાં આવ્યા હતાં.
મહાનગરપાલિકાને રૂપિયા 325 કરોડની ફાળવણી આ પ્રસંગે રાજેન્દ્રભાઈ ત્રિવેદીએ જણાવ્યું કે, અમદાવાદ જિલ્લા વહીવટીતંત્ર મુખ્ય પ્રધાનની સુવિધાયુક્ત શહેરોની નેમને પરિપૂર્ણ કરવા જે સક્રિય પ્રયાસો કર્યા છે તે સરાહનીય છે.’’
આ અવસરે વિધાનસભા અધ્યક્ષ રાજેન્દ્રભાઈ ત્રિવેદી અને ઘેટા-ઉન વિકાસ નિગમના ચેરમેન ભવાનભાઈ ભરવાડે વિજયભાઈ રૂપાણીને શાસનકાળના ચાર વર્ષ પૂર્ણ કરી પાંચમા વર્ષમાં મંગળ પ્રવેશ બદલ અભિનંદન પાઠવ્યા હતાં.
આ કાર્યક્રમમાં અમદાવાદ શહેરના મેયર બીજલબહેન પટેલ, કલેક્ટર કે.કે.નિરાલા, રિજનલ મ્યુનિસિપાલિટી કમિશનર મનીષકુમાર બંસલ, ધારાસભ્યઓ, નગરપાલિકાના પ્રમુખઓ અને ચીફ ઓફિસરઓ ઉપસ્થિત રહ્યા હતાં.
