અમદાવાદમાં ડિસેમ્બર માસમાં સિવિલમાં 85 નવજાત બાળકોના મોત

અમદાવાદ: રાજસ્થાનમાં કોટાની સરકારી હોસ્પિટલમાં એક જ માસમાં 104 નવજાત બાળકોના મોત થયા હતા. આ મામલે ગુજરાત પણ પાછળ નથી. જેમાં ગુજરાતના પણ 2 અલગ શહેરોમાં નવજાત બાળકોનો મૃત્યુઆંક 219 જેટલો થયો છે. જેમાં અમદાવાદમાં 85 બાળકોના મોત થયા છે.

અમદાવાદની સિવિલ હોસ્પિટલ એશિયાની સૌથી મોટી હોસ્પિટલ છે. જેમાં અન્ય રાજ્યોમાંથી પણ લોકો સારવાર માટે આવે છે. ત્યારે સિવિલ હોસ્પિટલમાં કુપોષણના કારણે ડિસેમ્બર-2019માં 85 જેટલા નવજાત બાળકોના મોત થયા છે. તેમજ રાજકોટની પણ સિવિલ હોસ્પિટલમાં 134 નવજાત બાળકોના મોત થયા છે.

માત્ર ડિસેમ્બર માસ જ નહીં પરંતુ ઓક્ટોબર અને નવેમ્બરમાં પણ બાળકોના મોત થયા હતા. ત્યારે રાજસ્થાન સિવાય ગુજરાત રાજ્ય પણ બાળકોના મોત મામલે વિવાદોમાં છે.