અમદાવાદમાં મ્યુકોરમાઇકોસીસના 370 દર્દીઓ સિવિલ હોસ્પિટલમાં સારવાર હેઠળ

રાજ્યમાં મ્યુકોરમાઇકોસીસ નામના રોગનો કાળો કહેર સતત વધી રહ્યો છે. ત્યારે અમદાવાદ સિવિલ હોસ્પિટલમાં મ્યુકોરમાઇકોસીસથી પીડાતા 370 દર્દીઓને સારવાર આપવામાં આવી રહી છે. સિવિલ હોસ્પિટલનો ત્રીજો માળ સંપૂર્ણ મ્યુકરમાઇકોસીસ માટે ફાળવવામાં આવ્યો છે. જેમાં ENT વિભાગ તેમજ ઓપરેશન થિયેટર કાર્યરત કરવામાં આવ્યા છે. જ્યાં ENTના ડૉક્ટર રાઉન્ડ ધ ક્લોક ઓપરેશન કરી રહ્યા છે.

• મ્યુકોરમાઇકોસીસને લઇને સિવિલ હોસ્પિટલમાં 370 જેટલા દર્દીઓ દાખલ
• ઘણા દર્દીઓને દિવસમાં પાંચથી સાત ઇન્જેક્શનની જરૂરિયાત
• ત્રીજા માળે બનાવવામાં આવેલા વોર્ડમાં મ્યુકોરમાઇકોસીસના દર્દીઓની સારવાર

અમદાવાદ :સિવિલ હોસ્પિટલમાં મ્યુકોરમાઇકોસીસ નામના રોગના દર્દીઓની સંખ્યામાં સતત વધારો થવા જઈ રહ્યો છે. સિવિલ હોસ્પિટલમાં ડેન્ટલ વિભાગ, 1200 બેડની હોસ્પિટલ તેમજ હોસ્પિટલ બિલ્ડીંગના ત્રીજા માળે બનાવવામાં આવેલા વોર્ડમાં મ્યુકોરમાઇકોસીસના દર્દીઓની સારવાર કરવામાં આવી રહી છે.

સિવિલ હોસ્પિટલ

ઓપરેશન થિયેટર તથા ENT વિભાગ પણ કાર્યરત કરી દેવામાં આવ્યો

ઘણા દર્દીઓને દિવસમાં પાંચથી સાત ઇન્જેક્શનની જરૂરિયાત રહે છે. ઇન્જેક્શનની સાથે અન્ય દવાઓની પણ અછત હોવાના કારણે દર્દીઓ તેમના માટે થઈ રઝળપાટ કરી રહ્યા છે. મ્યુકોરમાઇકોસીસના દર્દીઓમાં સતત વધારો થતાં હાલ ઓપરેશન થિયેટર તથા ENT વિભાગ પણ કાર્યરત કરી દેવામાં આવ્યો છે.

સિવિલ હોસ્પિટલ

જૂની સિવિલ હોસ્પિટલમાં 370 જેટલા દર્દીઓને સારવાર અપાઇકોરોનાથી સાજા થયેલા પણ ડાયાબિટીસ બ્લડપ્રેશર સહિતની બિમારીથી પીડાતા લોકો હવે મ્યુકોરમાઇકોસીસનો શિકાર થઇ રહ્યા છે. અમદાવાદ સિવિલ મેડીસિટી કેમ્પસમાં આવેલી જૂની હોસ્પિટલમાં 370 જેટલા દર્દીઓ હાલ સારવાર હેઠળ છે. સિવિલ સુપ્રિટેન્ડેન્ટ ડૉક્ટર જે.વી. મોદીએ કહ્યું કે, જૂની સિવિલ હોસ્પિટલમાં 370 જેટલા દર્દીઓને સારવાર અપાઇ રહી છે.

20 દર્દીઓ સાજા થતાં હોસ્પિટલમાંથી રજા આપવામાં આવી

અન્ય 20 દર્દીઓ સાજા થતાં હોસ્પિટલમાંથી રજા આપવામાં આવી છે. અમદાવાદ સહિત રાજ્યભરમાં મ્યુકોરમાઇકોસીસના દર્દીઓની સંખ્યામાં સતત વધારો થતો જોવા મળી રહ્યો છે. બીજી તરફ સિવિલ હોસ્પિટલના ત્રીજા માળે ENT વિભાગ તથા ઓપરેશન થિયેટર કાર્યરત કરી દેવામાં આવ્યા છે. જેમાં round the clock ઓપરેશન કરવામાં આવી રહ્યા છે.