Paralympics: પ્રવીણ કુમારે હાઈ જમ્પમાં સિલ્વર જીત્યો, પીએમ મોદીએ અભિનંદન પાઠવ્યા

પેરા એથ્લીટ પ્રવીણ કુમારે ટોક્યો પેરાલિમ્પિક્સમાં સિલ્વર મેડલ જીત્યો છે. 18 વર્ષના પ્રવીણે પુરુષોની જમ્પમાં 2.07 મીટર કૂદકો લગાવ્યો હતો. વર્તમાન પેરાલિમ્પિક્સમાં ભારતે અત્યાર સુધીમાં 11 મેડલ જીત્યા છે.

• પેરા એથ્લીટ પ્રવીણ કુમારે ટોક્યો પેરાલિમ્પિક્સમાં સિલ્વર મેડલ જીત્યો
• પ્રવીણે પુરુષોની હાઈ જંમ્પ T-44 કેટેગરીમાં 2.07 મીટર કૂદકો માર્યો
• ગ્રેટ બ્રિટનના બ્રૂમ-એડવર્ડ્સ જોનાથને ગોલ્ડ મેડલ મેળવ્યો

ટોક્યો: પેરા એથ્લીટ પ્રવીણ કુમારે ટોક્યો પેરાલિમ્પિક્સમાં સિલ્વર મેડલ જીત્યો છે. નોઈડાના 18 વર્ષનો પ્રવીણ પુરુષોની હાઈ જંમ્પ T-44 કેટેગરીમાં 2.07 મીટર કૂદકો માર્યો અને બીજુ સ્થાન પ્રાપ્ત કર્યો હતું. ગ્રેટ બ્રિટનના બ્રૂમ-એડવર્ડ્સ જોનાથન (2.10 મીટર) એ ગોલ્ડ મેડલ મેળવ્યો હતો. આ ઇવેન્ટનો બ્રોન્ઝ મેડલ પોલેન્ડના લેપિયાટો માસિજો (2.04 મીટર) એ જીત્યો હતો.

વડાપ્રધાન નરેન્દ્ર મોદીએ પ્રવીણ કુમારને અભિનંદન પાઠવ્યા છે. તેમણે ટ્વિટ કર્યું- પેરાલિમ્પિક્સમાં સિલ્વર મેડલ જીતવા માટે પ્રવીણ કુમાર પર ગર્વ છે. આ મેડલ તેમની મહેનત અને અપ્રતિમ સમર્પણનું પરિણામ છે. તેમને અભિનંદન. તેમના ભાવિ પ્રયાસો માટે શુભેચ્છાઓ.