નવી દિલ્હીઃ સ્પોટર્સ ઓથોરિટી ઓફ ઇન્ડિયાના કર્મચારીઓએ સાથે મળીને કોરોના વાઇરસ સામે લડવા માટે વડાપ્રધાનના રાહત ફંડમાં 76 લાખ રૂપિયાનું યોગદાન આપ્યું છે. સાઇના ગ્રુપ-એ, બી અને સી ગ્રુપના કર્મચારીઓએ આ રકમ આપી છે.
શૂટર મનુ ભાકરે હરીયાણા મુખ્યમંત્રી રાહત ફંડમાં 1 લાખ રૂપિયા આપવાની જાહેરાત કરી કેન્દ્રીય ખેલપ્રધાન કિરણ રિજિજુએ સાઇના કર્મચારીઓની પહેલને આવકારી છે. તેમજ તેમણે પ્રશંસા કરતા ટ્વિટર પર લખ્યું કે, મને એ કહેતા ગર્વ થાય છે કે સાઇના એ-ગૃપના કર્મચારીઓેએ પોતાના ત્રણ દિવસની સેલેરી, બી-ગૃપના કર્મચારીઓએ બે દિવસની સેલેરી તેમજ સી-ગૃપના કર્મચારીઓએ એક દિવસની સેલેરી વડાપ્રધાનના રાહત ફંડમાં દાન કરી છે. ખેલ પ્રધાન કિરણ રિજિજુએ પણ કોરોના સામેની લડમાં એક કરોડ રૂપિયાનું દાન આપ્યું હતું.
ટેબલ ટેનિસ ખેલાડી જી સાથિયાને 1 લાખ 25 હજારનુ દાન આપ્યું ખેલપ્રધાન રિજિજુ સિવાય પણ કેટલાય ખેલાડીઓએ કોરોના સામેની લડત માટે દાન આપ્યું છે. જેમા ટેબલ ટેનિસ ખેલાડી જી સાથિયાને તમીલનાડુ મુખ્યપ્રધાન રાહત ફંડમાં 1 લાખ તેમજ વડાપ્રધાન રાહત ફંડમાં 25 હજારનુ દાન આપ્યું છે.
જ્યારે મેરી કૉમે 1 કરોડ રૂપિયા દાન આપવાની જાહેરાત કરી છે. તેમજ શૂટર મનુ ભાકરે હરિયાણા મુખ્યમંત્રી રાહત ફંડમાં 1 લાખ રૂપિયા આપવાની જાહેરાત કરી છે. તેમજ ટેનિસ સ્ટાર સાનિયા મિર્જાએ પણ 1.25 કરોડ રૂપિયા એકઠા કર્યા છે અને હવે તે આ રકમ જરૂરિયાતમંદ લોકોમાં વહેંચશે.
