Ravindra Jadeja Marriage Anniversary : રવિન્દ્ર જાડેજાના લગ્નજીવનના 7 વર્ષ પુરા થયા, પત્ની સાથેનો ફોટો શેર કરીને લખ્યો આ સુંદર સંદેશ

ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજા આજે તેની 7મી લગ્ન વર્ષગાંઠની ઉજવણી કરી રહ્યો છે. આ ખાસ અવસર પર જાડેજાએ પત્ની રીવાબા સાથેનો ફોટો શેર કરીને એક ખાસ સંદેશ લખ્યો છે.

નવી દિલ્હી :ટીમ ઈન્ડિયાના ઓલરાઉન્ડર 'સર જાડેજા' એટલે કે રવિન્દ્ર જાડેજા આજે (17 એપ્રિલ) તેમની 7મી લગ્ન વર્ષગાંઠની ઉજવણી કરી રહ્યા છે. આ પ્રસંગે જાડેજાએ ઈન્સ્ટાગ્રામ પર પત્ની રીવાબા સાથેનો એક ફોટો શેર કર્યો છે. આ ફોટોમાં તે પત્ની રીવાબા જાડેજા સાથે જોવા મળી રહ્યો છે. તેમની સામે ટેબલ પર એક કેક અને કલગી પણ રાખવામાં આવી છે. આ પોસ્ટ પર જાડેજાએ ખૂબ જ સુંદર કેપ્શન આપ્યું છે. જાડેજાએ લખ્યું, 'ભાગીદારી સારી રીતે ચાલી રહી છે... હજુ લાંબી મજલ કાપવાની છે.. 7મી વર્ષગાંઠ'.

આ પણ વાંચો :CSK vs RCB Match Preview : ચેન્નાઈ અને બેંગ્લોર આજે ટકરાશે, ધોનીની રમત પર સસ્પેન્સ યથાવત્

લગ્ન 7 એપ્રિલ 2016ના રોજ થયા હતા :જણાવી દઈએ કે, રવિન્દ્ર જાડેજા અને રીવા સોલંકી IPL સીઝનની વચ્ચે 17 એપ્રિલ 2016ના રોજ લગ્નના બંધનમાં બંધાયા હતા. બંન્નેએ રાજકોટમાં ભવ્ય સમારોહમાં લગ્ન કર્યા હતા. જાડેજાએ તેના પરિવારની પસંદગીની છોકરી સાથે લગ્ન કર્યા હતા. બંન્નેને એક બાળકી પણ છે જેનું નામ નિધ્યાના જાડેજા છે. લગ્ન સમયે રીવા સોલંકી વ્યવસાયે એન્જિનિયર હતી, પરંતુ રાજકારણમાં રસ હોવાથી તે ભારતીય જનતા પાર્ટીમાં જોડાઈ હતી.

આ પણ વાંચો :Sanju Samson vs Rashid Khan : સંજુએ રશીદ ખાનનું અભિમાન ઊતાર્યું, 6 ની પણ હેટ્રિક

રવિન્દ્ર જાડેજાના પત્ની રીવાબા જાડેજા ભાજપના ધારાસભ્ય છે :રવિન્દ્ર જાડેજા ટીમ ઈન્ડિયાનો સ્ટાર ઓલરાઉન્ડર છે. જે પોતાની ઓલ રાઉન્ડ રમત માટે જાણીતો છે. જાડેજાએ એકલા હાથે ભારતને ઘણી મહત્વની મેચો જીતાડી છે. સાથે જ તેમની પત્ની રીવાબા જાડેજા ભાજપના ધારાસભ્ય છે. રીવાબા ગુજરાતની જામનગર ઉત્તર બેઠક પરથી ચૂંટણી જીતીને વિધાનસભામાં પહોંચ્યા છે. આ સેલિબ્રિટી કપલ તેમની રોયલ સ્ટાઇલ માટે પણ જાણીતું છે. કમાણીની વાત કરીએ તો જાડેજાની કુલ સંપત્તિ 100 કરોડ રૂપિયાની આસપાસ છે. બંને લક્ઝરી લાઈફ જીવે છે.

આ પણ વાંચો :IPL points table update: વેંકટેશે ધવન પાસેથી ઓરેન્જ કેપ છીનવી, પર્પલ કેપની રેસ રોમાંચક