કોવિદ -19ને હરાવવા ક્રિકેટર સુરેશ રૈનાએ કર્યુ 52 લાખનું દાન

દેશભરમાં હાહાકાર મચાવનાર કોરોના વાઈરસ સામેની લડાઈમાં સુરેશ રૈનાએ 52 લાખનું દાન આપી પોતાનું યોગદાન આપ્યુ છે.

નવી દિલ્હી : ભારતીય ક્રિકેટર સુરેશ રૈનાએ કોવિદ-19ની લડાઈ માટે સ્વૈચ્છીક રીતે 52 લાખ રુપિયા દાનમાં આપવાની જાહેરાત કરી છે. જે પૈકી 31 લાખ પ્રધાનમંત્રી રાહત ફંડ અને 21 લાખ ઉત્તર પ્રદેશ મુખ્યમંત્રી રાહત ફંડમાં જમા કરાવશે.

આ અંગે તેમણે ઈન્સ્ટાગ્રામ પર અન્ય લોકોને પણ યોગદાન આપવા અને ઘરમાં જ રહેવા માટે અપીલ કરી હતી.

રૈનાની પહેલા સચિન તેંદુલકરે 50 લાખ ઉપરાંત BCCIના અધ્યક્ષ સૌરવ ગાંગુલી, પીવી.સિંધુ, ગૌતમ ગંભીરે પણ કોરોના વાઈરસ સામેની લડતમાં યોગદાન આપવાની જાહેરાત કરી છે.