COVID-19 પેરા પ્લેયર શરદ કુમારે એક લાખ રૂપિયા દાન કર્યા

COVID-19 મહામારી સામે લડવા પેરા પ્લેયર શરદ કુમારે એક લાખ રૂપિયા દાન કર્યા છે.

નવી દિલ્દીઃ એશિયાઈ પેરા ગેમ્સમાં બે વારના ઉંચી કૂદ ચેમ્પિયન શરદ કુમારે COVID-19 મહામારી સામે લડવા વડા પ્રધાન રાહત ભંડોળમાં એક લાખ રૂપિયા દાન કર્યા છે.

બિહારના 29 વર્ષના ખેલાડીએ ટ્વિટ કરતા લખ્યું કે, મેં COVID-19 મહામારી સામે લડવા વડા પ્રધાન રાહત ભંડોળમાં એક લાખ રૂપિયા દાન કર્યા છે. જે મારી કમાણીનો એક ભાગ છે.

આપને વધુમાં જણાવી દઈએ કે શરદે 2014માં એશિયન પેરા ગેમ્સના ટી-42 વર્ગની ઉંચી કૂદમાં ગોલ્ડ મેડલ મેળવ્યો હતો અને 2018માં ઈન્ડોનેશિયાના જકાર્તામાં ટી-42/43 વર્ગમાં ઉચ્ચ સ્થાન પ્રાપ્ત કર્યુ હતું. તે 2017 વર્લ્ડ પેરા ચેમ્પિયનશીપમાં રજત પદક વિજેતા છે.