જોકોવિચ બન્યો ઇટાલી ઓપન ચેમ્પિયન, ઇગાએ સેરેનાનો રેકોર્ડ તોડ્યો

ઓસ્ટ્રેલિયન ઓપન દરમિયાન રસીકરણના વિવાદને કારણે ટેનિસ ખેલાડી નોવાક જોકોવિચ (Tennis player Novak Djokovic) સિઝનની શરૂઆતમાં મોટા ભાગના સમય માટે મેદાનની બહાર રહ્યો હતો.તેણે આ ટુર્નામેન્ટમાં પોતાનું વર્ચસ્વ સ્થાપિત કર્યું હતુ. તેણે સ્ટેફાનોસ સિત્સિપાસને (Stefanos Sitsipas) સીધા સેટમાં હરાવ્યો હતો. તે જ સમયે, ઇંગા સ્વીટેક મહિલા વર્ગમાં ચેમ્પિયન બની હતી.

રોમઃ ટેનિસના દિગ્ગજ ખેલાડી નોવાક જોકોવિચે (Tennis player Novak Djokovic) રવિવારે ઇટાલી ઓપનની ફાઇનલમાં સ્ટેફાનોસ સિત્સિપાસને (Stefanos Sitsipas) 6-0, 7-6થી હરાવીને છઠ્ઠી વખત ટાઇટલ જીત્યું હતું. આ સાથે સર્બિયાના આ સ્ટાર ખેલાડીએ ફ્રેન્ચ ઓપન પહેલા શાનદાર લયમાં હોવાનો પુરાવો આપ્યો હતો. તે જ સમયે, વિશ્વની નંબર 1 ઇંગા સ્વિટેકે રવિવારે ફાઇનલમાં સાતમા ક્રમાંકિત ઓન્સ જબુરને 6-2, 6-2થી હરાવીને તેમનું ઇટાલિયન ઓપન ટાઇટલ જાળવી રાખ્યું અને સતત પાંચમું WTA ટૂર ટાઇટલ જીત્યું હતુ.

આ પણ વાંચો:ગુજરાતની દિકરીનો પેરાલિમ્પિકમાં ડંકો, ભાવિના ટેબલ ટેનિસની સેમિફાઇનલમાં પહોંચી

ટેનિસ ટૂર્નામેન્ટની ફાઇનલ: તમને જણાવી દઈએ કે, જોકોવિચે આ પહેલા સેમિફાઈનલમાં કેસ્પર રુડને સીધા સેટમાં હરાવીને ઈટાલી ઓપન ટેનિસ ટૂર્નામેન્ટની ફાઇનલમાં જગ્યા બનાવી હતી. વિશ્વના નંબર 1 ખેલાડીએ રૂડે સામે 6-4, 6-3થી જીત મેળવીને કારકિર્દીની 1000મી જીત નોંધાવી હતી. જીમી કોનર્સ (1,274 જીત), રોજર ફેડરર (1,251), ઇવાન લેન્ડલ (1,068) અને રાફેલ નડાલ (1,051) પછી આ સિદ્ધિ મેળવનાર તે માત્ર પાંચમો પુરૂષ ખેલાડી છે.

સતત 11 જીત સાથે ફાઇનલમાં: ઇંગા સ્વીટેકએ મહિલા ફાઇનલમાં ઓન્સ જબુરને હરાવી સેરેના વિલિયમ્સનો સતત 27 જીતનો રેકોર્ડ તોડ્યો. સેરેનાએ વર્ષ 2014 અને 2015માં આ સિદ્ધિ મેળવી હતી. ઓન્સ જેબુર પણ સતત 11 જીત સાથે ફાઇનલમાં પહોંચી હતી. પરંતુ ટોચના ક્રમાંકિત ખેલાડી સ્વિટેકની સામે તેણે એક કામ કર્યું નહીં. 20 વર્ષની વયે તેણે આ સિઝનમાં રમેલ દરેક WTA 1000 જીત્યા છે, તે દોહા, ઈન્ડિયન વેલ્સ, મિયામી અને હવે રોમમાં જીત્યા છે. તેણીએ હાલમાં છેલ્લા નવ ડબ્લ્યુટીએ 1000 ટાઇટલમાંથી પાંચ જીત્યા છે.

આ પણ વાંચો:સિંધુએ મારો જુસ્સો વધાર્યો અને મારી આંખમાંથી આંસુ સરી પડ્યા: સિલ્વર મેડાલીસ્ટ તાઈ જુ

સ્વીટેક ગયા વર્ષે રોમમાં તેની કારકિર્દીનું પ્રથમ WTA 1000 ટાઇટલ જીત્યું હતું. તે રોમમાં બેક ટુ બેક ટાઇટલ જીતનારી નવમી ખેલાડી છે અને રોમમાં બે ટાઇટલ જીતનારી ત્રીજી સૌથી યુવા ખેલાડી છે, માત્ર ક્રિસ એવર્ટ અને ગેબ્રિએલા સબાટિની પાછળ છે. દોહા, ઇન્ડિયન વેલ્સ, મિયામી, સ્ટુટગાર્ટ અને રોમમાં ટાઇટલ જીત્યા પછી, સ્વીટેક 2000ના દાયકામાં સતત પાંચ કે તેથી વધુ ટુર્નામેન્ટ જીતનાર ચોથો ખેલાડી છે.