India VS West Indies: વનડે સિરીઝ માટે ટીમ ઈન્ડિયા અમદાવાદ પહોંચી

ભારતીય ક્રિકેટ ટીમના (Indian cricket team )સભ્યો 6 ફેબ્રુઆરીથી શરૂ થઈ રહેલી વેસ્ટ ઈન્ડિઝ સામેની ત્રણ મેચની ODI શ્રેણી માટે (India VS West Indies)અમદાવાદ પહોંચી ગયા છે. બધા ખેલાડીઓ રવિવાર અને સોમવાર વચ્ચે જૈવિક રીતે સુરક્ષિત વાતાવરણમાં પ્રવેશ્યા હતા. તમામ ખેલાડીઓ ત્રણ દિવસ માટે આઈસોલેશનમાં રહેશે.

અમદાવાદઃ ભારતીય ક્રિકેટ ટીમના (Indian cricket team )ખેલાડીઓ 6 ફેબ્રુઆરીથી વેસ્ટ ઈન્ડિઝ સામે( India VS West Indies)શરૂ થઈ રહેલી ત્રણ મેચની ઈન્ટરનેશનલ ODI સિરીઝ માટે અમદાવાદ પહોંચી ગયા છે. બધા ખેલાડીઓ રવિવાર અને સોમવાર વચ્ચે જૈવિક રીતે સુરક્ષિત વાતાવરણમાં પ્રવેશ્યા હતા. ભારતીય ક્રિકેટ બોર્ડ (BCCI)ના એક અધિકારીએ પીટીઆઈને જણાવ્યું કે, તેઓ ત્રણ દિવસ માટે આઈસોલેશનમાં રહેશે.

​​કુલદીપ યાદવની ટીમમાં વાપસી

રોહિત શર્મા આ સીરીઝ દરમિયાન પ્રથમ વખત ભારતની મર્યાદિત ઓવરોની ટીમના નિયમિત કેપ્ટન તરીકે આવશે. પગના સ્નાયુમાં ઈજાના કારણે તે દક્ષિણ આફ્રિકા જઈ શક્યો ન હતો. લેગ-સ્પિનર ​​યુઝવેન્દ્ર ચહલે શનિવારે અમદાવાદ જવાની તેની તસવીર પોસ્ટ કરી હતી. તે પ્લેનમાં શિખર ધવન સાથે બેઠો હતો. સ્પિનર ​​કુલદીપ યાદવની ટીમમાં વાપસી થઈ છે. જ્યારે લેગ સ્પિનર ​​રવિ બિશ્નોઈને પ્રથમ વખત ટીમમાં જગ્યા મળી છે.

આ પણ વાંચોઃT20 World Cup qualifiers: ઓમાન અને નેપાળ વચ્ચે પ્રથમ મેચ 18 ફેબ્રુઆરીએ રમાશે

T20 કોલકાતામાં રમાશે

કોવિડ-19ના જોખમને ધ્યાનમાં રાખીને, બીસીસીઆઈએ ત્રણ વન-ડે ઈન્ટરનેશનલ અને સમાન ટી-20 ઈન્ટરનેશનલ મેચોના સ્થળોની સંખ્યા ઘટાડીને બે કરી દીધી છે. ત્રણેય T20 કોલકાતામાં રમાશે. વેસ્ટ ઈન્ડિઝની ટીમ ઈંગ્લેન્ડ સામે ઘર આંગણે ટી-20 શ્રેણી જીત્યા બાદ ભારત પહોંચશે.

આ પણ વાંચોઃIndia West Indies Series : કેપ્ટન રોહિત, કુલદીપ યાદવનું કમબેક, રવિ બિશ્નોઈ T20 ટીમમાં સામેલ