રાજકોટ :શનિવારે રાજકોટના ખંડેરી સ્ટેડિયમ (Khanderi Stadium in Rajkot) ખાતે ભારત અને શ્રીલંકા T20 શ્રેણીની (India vs Sri Lanka 3rd t20 series 2023) ત્રીજી અને નિર્ણાયક મેચ રમાઈ હતી. ભારતે શ્રીલંકાને 91 રને હરાવ્યું (India Win by 91 runs In Rajkot) હતું. ભારતના કેપ્ટન હાર્દિક પંડ્યાએ દાસુન શનાકાની આગેવાની હેઠળની શ્રીલંકાની ટીમ સામે ટોસ જીતીને પ્રથમ બેટિંગ કરવાનો નિર્ણય લીધો હતો. ભારતે શ્રીલંકાને જીતવા માટે 229 રનનો ટાર્ગેટ આપ્યો હતો જેના જવાબમાં શ્રીલંકાની ટીમ 16.4 ઓવરમાં 10 વિકેટ ગુમાવીને 137 રન જ બનાવી શકી હતી. આ જીત સાથે ભારતે ત્રણ મેચની શ્રેણી 2-1થી જીતી લીધી હતી.
અર્શદીપ સિંહે સૌથી વધુ ત્રણ વિકેટ લીધી :લંકા તરફથી બેટિંગમાં કુશલ મેન્ડિસ અને કેપ્ટન દાસુન શનાકાએ 23-23 રન બનાવ્યા હતા. ભારત તરફથી અર્શદીપ સિંહે સૌથી વધુ ત્રણ વિકેટ લીધી હતી. હાર્દિક પંડ્યા, ઉમરાન મલિક અને યુઝવેન્દ્ર ચહલને બે-બે સફળતા મળી હતી. અક્ષર પટેલે એક વિકેટ પોતાના નામે કરી હતી.
સૂર્યકુમાર યાદવે સૌથી વધુ રન બનાવ્યા હતા : આ પહેલા ટીમ ઈન્ડિયાએ 20 ઓવરમાં પાંચ વિકેટે 228 રન બનાવ્યા હતા. ભારત તરફથી સૂર્યકુમાર યાદવે સૌથી વધુ રન બનાવ્યા (Suryakumar Yadav scored most runs) હતા. તેણે 51 બોલમાં 112 રનની અણનમ ઇનિંગ રમી હતી. સૂર્યા સિવાય શુભમન ગિલે 46 રનની ઇનિંગ રમી હતી. દિલશાન મદુશંકાને 2 વિકેટ મળી હતી. જ્યારે કસુન રાજીથા, ચમિકા કરુણારત્ને અને હસરંગાને એક-એક વિકેટ મળી હતી. ભારતીય ટીમે શ્રીલંકા સામે સતત 5મી ઘરઆંગણે શ્રેણી જીતી છે. બંને ટીમો વચ્ચે અત્યાર સુધીમાં 6 સિરીઝ રમાઈ છે જેમાંથી માત્ર એક જ ડ્રો રહી છે જે 2009માં રમાઈ હતી.
સૂર્યકુમારની સદી :સૂર્યકુમાર યાદવે T20 ઈન્ટરનેશનલમાં પોતાની ત્રીજી સદી પૂરી કરી છે. તેણે 45 બોલમાં પોતાની સદી ફટકારી હતી. સૂર્યકુમારે ગયા વર્ષે ઈંગ્લેન્ડ અને ન્યુઝીલેન્ડ સામે સદી ફટકારી હતી. સૂર્યકુમાર ટી-20માં ભારત માટે ત્રણ સદી ફટકારનાર બીજો બેટ્સમેન બની ગયો છે. રોહિત શર્માએ તેના કરતા વધુ સદી ફટકારી છે. રોહિતે ટી20માં ચાર સદી ફટકારી છે.
શ્રીલંકાની ઇનિંગ્સ
દસમી વિકેટ : અર્શદીપ સિંહે દિલશાન મદુશંકાને બોલ્ડ કર્યો.
નવમી વિકેટ :કેપ્ટન દાસુન શનાકા અક્ષર પટેલના હાથે અર્શદીપ સિંહના હાથે કેચ આઉટ થયો હતો. શનાકાએ 17 બોલમાં 23 રનની ઇનિંગ રમી હતી.
આઠમી વિકેટ :મહેશ તિક્ષાનાને ઉમરાન મલિકે બોલ્ડ કર્યો હતો. તિક્ષાનાએ 5 બોલમાં 2 રનની ઇનિંગ રમી હતી.
સાતમી વિકેટ:ચમિકા કરુણારત્ને હાર્દિક પંડ્યાના હાથે એલબીડબ્લ્યુ આઉટ થયો હતો. કરુણારત્નેએ 2 બોલમાં 0 રનની ઇનિંગ રમી હતી.
છઠ્ઠી વિકેટ :વનિન્દુ હસરંગા હુડ્ડાના હાથે ઉમરાન મલિકના હાથે કેચ આઉટ થયો હતો. હસરંગાએ 8 બોલમાં 9 રનની ઇનિંગ રમી હતી.
પાંચમી વિકેટ : ધનંજય ડી સિલ્વાને યુઝવેન્દ્ર ચહલે આઉટ કર્યો. યુઝવેન્દ્ર ચહલે ડી સિલ્વાને શુભમન ગિલના હાથે કેચ કરાવ્યો હતો. અસલંકાએ 14 બોલમાં 22 રનની ઇનિંગ રમી હતી.
ચોથી વિકેટ :ચરિથ અસલંકાને યુઝવેન્દ્ર ચહલે આઉટ કર્યો. યુઝવેન્દ્ર ચહલે અસલંકાને શિવમ માવીના હાથે કેચ કરાવ્યો હતો. અસલંકાએ 14 બોલમાં 19 રનની ઇનિંગ રમી હતી.