હૈદરાબાદ:ફૂટબોલમાં માત્ર ચાહકો જ નહીં, ખેલાડીઓ પણ ખૂબ જ ઉત્સાહિત છે. પુરુષ હોય કે મહિલા ફૂટબોલર, તેમનો ઉત્સાહ હંમેશા ઊંચો હોય છે. યુરોપિયન ચેમ્પિયનશિપમાં (Women's European Championship) પણ આવો જ ઉત્સાહ જોવા મળ્યો હતો. જ્યારે અંગ્રેજ મહિલા ફૂટબોલરે સેલિબ્રેશનમાં પોતાનું ટી-શર્ટ કાઢીને તેને લહેરાવ્યું હતું.
આ પણ વાંચો:CWG 2022: ભારતની બાર્બાડોસ સામે જંગી જીત, સેમી ફાઇનલમાં બનાવી જગ્યા
વાસ્તવમાં આ મેચ લંડનના વેમ્બલી સ્ટેડિયમમાં (Wembley Stadium) રમાઈ હતી. આમાં ઈંગ્લેન્ડ અને જર્મનીની ટીમો સામ-સામે હતી. મેચ 1-1ની બરાબરી પર પુરી થવા જઈ રહી હતી, પરંતુ વધારાના સમયમાં ઈંગ્લિશ ખેલાડી ક્લો કેલીએ ગોલ કરીને મેચને પલટી નાખ્યો હતો.
આ યુરો કપની ફાઈનલ હતી, જેના કારણે આ મેચ જોવા માટે લગભગ 87000 દર્શકો મેદાનમાં હતા. આવી સ્થિતિમાં ઈંગ્લેન્ડની કેલી (England footballer Kelly) સમાચારમાં છે. સામાન્ય રીતે પુરૂષ ફૂટબોલરો આ રીતે ઉજવણી કરે છે, પરંતુ કેલીએ ફરી એકવાર તે કર્યું છે. તેના પહેલા અમેરિકાના બ્રેડી ચેસ્ટને 1999ના વર્લ્ડ કપની ફાઇનલમાં જીત્યા બાદ આ જ રીતે ઉજવણી કરી હતી.
આ પણ વાંચો:CWG 2022: જુડોમાં તુલિકા માનએ મહિલાઓની 78 Kg સ્પર્ધામાં મેળવ્યો સિલ્વર મેડલ
વર્લ્ડ કપમાં જર્સી ઉતારીને જશ્ન મનાવનાર ચેસ્ટાઈને ફાઈનલ જીતવાની ખુશીમાં આવું કર્યું હતું. તે સમયે USની ટીમ પેનલ્ટી શૂટઆઉટમાં 5-4થી જીતી હતી. આખી દુનિયા કેલીની ટી-શર્ટને હટાવવાને મહિલા સશક્તિકરણના (Women empowerment) સ્વરૂપ તરીકે જોઈ રહી છે. આ એટલા માટે છે કારણ કે, મોટાભાગના પુરૂષ ફૂટબોલરો તે કરે છે.
ટી-શર્ટ ઉતારીને વિજયની કરી ઉજવણી જર્મની સામે ઈંગ્લેન્ડની મેચ હાફ ટાઈમ સુધી કોઈ પણ ગોલ વિના ટાઈ રહી હતી. આ પછી 62મી મિનિટે ઈંગ્લેન્ડ માટે ઈલા સ્ટોને ગોલ કર્યો હતો. ત્યારબાદ 79મી મિનિટે જર્મની માટે લીના મગુલે ગોલ કર્યો હતો. ત્યારબાદ વધારાના સમયમાં ક્લો કેલીએ 110મી મિનિટે ગોલ કરીને મેચ જીતી લીધી હતી.
