કોરોનાને ફેલાતો રોકવા માટે આપણે WHO અને સરકારની સલાહનું પાલન કરવુ જોઇએઃ સુનીલ છેત્રી

ભારતીય ફુટબોલ ટીમના કેપ્ટન સુનીલ છેત્રીએ કોરોના વાઇરસને ફેલાતો રોકવા માટે લોકોને વિશ્વ આરોગ્ય સંગઠન અને સ્થાનિક સરકાર દ્વારા આપવામાં આવેલી સલાહનું પાલન કરવા તેમજ સ્વચ્છતા જાળવવા અપીલ કરી છે.

કુઆલાલંપુરઃ ભારતીય ફુટબોલ ટીમના કેપ્ટન સુનીલ છેત્રી એશિયાઇ ફુટબોલ ફેડરેશનની કોવિડ-19 મહામારી સામેની લડાઇ અભિયાનનો ભાગ બની ગયા છે. તેમણે લોકોને આ પડકારજનક સમયનો સામનો કરવા માટે તે બધુ કરવા અનુરોઘ કર્યો છે જે લોકો કરી શકે છે.

બ્રેક ધ ચેઇન નામના આ અભિયાનની શરૂઆત કોવિડ-19ના ફેલાવાને રોકવા માટે આ અઠવાડિયે કરવામાં આવી હતી. જેમાં ભારતીય ભૂતપૂર્વ કેપ્ટન બાયચુંગ ભૂટિયા પણ સામેલ છે. તેમના સિવાય ચાઇના ફુટબોલ એસોસિએશનના વાઇસ ચેરમેન સુન વેન અને મ્યાનમારના કેપ્ટન ક્રાય જિન થેટ પણ આ અભિયાનમાં હતા.

આ તકે સુનીલ છેત્રીએ કહ્યું કે દરેક લોકો આ પડકારજનક સમયમાંથી પસાર થઇ રહ્યાં છે, ત્યારે હું તમને વિનંતી કરું છું કે તમે બધા વિશ્વ આરોગ્ય સંગઠન અને તમારી સ્થાનિક સરકાર દ્વારા આપવામાં આવેલ સલાહનું પાલન કરો, સ્વચ્છતા જાળવવી એ આપણી જવાબદારી છે તેમજ બધા ઘરો જ રહેજો.

તેમજ તેમણે વધુમાં કહ્યું કે ચાલો આ વાઇરસને રોકવા માટે એક ટીમની જેમ બધા સાથે મળીને કામ કરીએ. હું આ પડકારજનક સમયમાં ભારત અને વિશ્વના લોકોની સાથે છું. હુ આશા રાખુ છુ કે ટૂંક સમયમાં બધુ સામાન્ય થઇ જશે.