મુંબઈ: વર્ષ 2022માં T20 વર્લ્ડ કપમાં હાર બાદ ભારતીય ક્રિકેટ કંટ્રોલ બોર્ડ (BCCI)એ સિનિયર મેન્સ (BCCI POST INDIAN TEAM REVIEW MEETING)ટીમની સમીક્ષા બેઠક યોજી હતી. આ સમીક્ષા બેઠકમાં BCCI પ્રમુખ રોજર બિન્ની, સેક્રેટરી જય શાહ, કેપ્ટન રોહિત શર્મા, કોચ રાહુલ દ્રવિડ, NCA ડિરેક્ટર VVS લક્ષ્મણ અને મુખ્ય પસંદગીકાર ચેતન શર્મા હાજર રહ્યા હતા.
વર્કલોડ મેનેજમેન્ટ:ઉભરતા ખેલાડીઓએ હવે સ્થાનિક શ્રેણીમાં સતત રમવું પડશે, જેથી તેઓ રાષ્ટ્રીય ટીમની પસંદગી માટે તૈયાર થઈ શકે. યો યો ટેસ્ટ અને ડેક્સા ટેસ્ટ ટેસ્ટ પસંદગી પ્રક્રિયાનો એક ભાગ બનશે, જે સિનિયર ટીમના પૂલમાં રહેલા ખેલાડીઓને લાગુ કરવામાં આવશે. ODI વર્લ્ડ કપ 2023 અને અન્ય શ્રેણીઓને જોતા, NCA તમામ IPL ફ્રેન્ચાઇઝીઓ સાથે વાત કરશે અને ખેલાડીઓના વર્કલોડ મેનેજમેન્ટ અંગે ચર્ચા કરશે.
યો-યો ટેસ્ટ શું છે?:યો-યો ટેસ્ટમાં કુલ 23 લેવલ છે. ક્રિકેટરો માટે, તે 5મા સ્તરથી શરૂ થાય છે. શંકુ 20 મીટરના અંતરે મૂકવામાં આવે છે. દરેક ખેલાડીએ શંકુ સુધી 20 મીટર જઈને પાછા ફરવાનું હોય છે. સ્તરોની સંખ્યામાં વધારો થતાં, આ અંતરને આવરી લેવાનો સમય પણ ઘટતો જાય છે. તેના આધારે, સ્કોર નક્કી કરવામાં આવે છે જે સંપૂર્ણપણે સોફ્ટવેર પર છે. BCCIએ યો-યો ટેસ્ટ પાસ કરવાનો સ્કોર 16.1 રાખ્યો છે.
આ પણ વાંચો:ભારત અને શ્રીલંકા પ્રથમ T20 મેચ 3 જાન્યુઆરીએ મુંબઈમાં, હાર્દિક પંડ્યા ટીમની આગેવાની કરશે
ડેક્સા ટેસ્ટ શું છે?:ખેલાડીઓના ફિટનેસ ચેકઅપને વૈજ્ઞાનિક(YO YO TEST AND DEXA) બનાવવા માટે ફિટનેસ પ્રોગ્રામમાં ડેક્સા ટેસ્ટનો સમાવેશ કરવામાં આવ્યો છે. બોન ડેન્સિટી ટેસ્ટને ડેક્સા સ્કેન તરીકે પણ ઓળખવામાં આવે છે. આ એક ખાસ પ્રકારનો એક્સ-રે ટેસ્ટ છે જે હાડકાની ઘનતાને માપે છે. આનાથી ફ્રેક્ચર વિશે પણ સચોટ માહિતી મળે છે. ઉપરાંત, આ પરીક્ષણ દ્વારા, શરીરની ચરબીની ટકાવારી, માસ અને પેશીઓ વિશે બધું જાણી શકાય છે. 10 મિનિટના આ ટેસ્ટ પરથી અંદાજ આવે છે કે ખેલાડી કેટલો ફિટ છે. આ ટેસ્ટ એક્સ-રેની મદદથી કરવામાં આવે છે.
ફિટનેસ પેરામીટર્સ:બીસીસીઆઈએ એમ પણ કહ્યું કે આઈસીસી ક્રિકેટ વર્લ્ડ કપ 2023ના રોડમેપ, ખેલાડીઓની ઉપલબ્ધતા, વર્કલોડ મેનેજમેન્ટ અને ફિટનેસ પેરામીટર્સના મુદ્દાઓ પર પણ વિગતવાર ચર્ચા કરવામાં આવી હતી. જણાવી દઈએ કે આ બેઠકની લાંબા સમયથી રાહ જોવાઈ રહી હતી. કારણ કે T20 વર્લ્ડ કપ 2022માં હાર બાદ ટીમ ઈન્ડિયામાં બદલાવના સંકેત દેખાઈ રહ્યા છે. આ સિવાય ટી20 માટે અલગ કોચ અને સપોર્ટિંગ સ્ટાફ પણ લાવી શકાય છે.
પસંદગી સમિતિ:જોકે, બીસીસીઆઈએ આ અંગે સત્તાવાર રીતે કોઈ નિવેદન આપ્યું નથી. સિનિયર ખેલાડીઓને 3 જાન્યુઆરીથી શરૂ થઈ રહેલી શ્રીલંકા ટી20 સિરીઝમાં આરામ આપવામાં આવ્યો છે, જ્યારે સિનિયર ખેલાડીઓ વનડે સિરીઝમાં ઉપલબ્ધ રહેશે. આવી સ્થિતિમાં, આ પછી જ્યારે નવી પસંદગી સમિતિની રચના કરવામાં આવે છે, ત્યારે ટી-20ની કેપ્ટનશીપ પર નિર્ણય લેવામાં આવી શકે છે. ટીમ ઈન્ડિયાના પ્રદર્શનની વાત કરીએ તો વર્ષ 2022માં એશિયા કપ અને T20 વર્લ્ડ કપમાં હારનો સામનો કરવો પડ્યો હતો જ્યારે વિદેશની ધરતી પર ટેસ્ટ મેચ હારી હતી.
