ધર્મશાલા : ટેમ્બા બાવુમાની આગેવાની હેઠળની દક્ષિણ આફ્રિકાએ વિશ્વ કપ 2023 માં ધમાકેદાર શરૂઆત કરી છે. દક્ષિણ આફ્રિકા ટીમે નવી દિલ્હીના કોટલા ખાતે શ્રીલંકા સામે અને લખનૌના અટલ બિહારી વાજપેયી એકાના સ્ટેડિયમમાં પાંચ વખતની વર્લ્ડ ચેમ્પિયન ઓસ્ટ્રેલિયા સામે એમ કુલ બે સતત જીત નોંધાવી છે.
17 ઓક્ટોબર મંગળવારના રોજ દક્ષિણ આફ્રિકાની ટીમ નેધરલેન્ડ્સ સામે ટકરાશે ત્યારે તેમની નજર સતત ત્રીજી જીત રહેશે. દક્ષિણ આફ્રિકાએ પ્રથમ બે મેચમાં ધમાકેદાર પ્રદર્શન કરી ફફડાટ ફેલાવી દીધો છે. જ્યારે વર્લ્ડ કપમાં હજુ જેણે ખાતું પણ નથી ખોલ્યું એવી નેધરલેન્ડ ટીમ સામે દક્ષિણ આફ્રિકા ફેવરિટ છે.
શ્રીલંકા સામેની તેમની શરૂઆતની રમતમાં ક્વિન્ટન ડી કોક, રાસી વાન ડેર ડુસેન અને એઇડન માર્કરમે ધમાકેદાર સદી ફટકારીને દક્ષિણ આફ્રિકાના સ્કોરને 428/5 પર પહોંચાડ્યો હતો. દક્ષિણ આફ્રિકાએ શ્રીલંકા સામે 102 રનથી જીત નોંધાવી હતી. તેઓએ લખનઉમાં પેટ કુમિન્સની આગેવાની હેઠળની ઓસ્ટ્રેલિયા ટીમને 134 રનથી હરાવી તેમના જીતના માર્જિનને વધાર્યો હતો. તે ફરી એક વાર ક્વિન્ટન ડી કોકે સતત બીજી સદી ફટકારીને વિલો સાથે ઓસ્ટ્રેલિયા ટીમને હંફાવી હતી. ત્યારબાદ દક્ષિણ આફ્રિકાના બોલરોએ પાયમાલી મચાવી દીધી હતી જેના દબાણ હેઠળ ઓસ્ટ્રેલિયા ટીમ ભાંગી પડી હતી.
દક્ષિણ આફ્રિકા એવી ટીમોમાંની એક છે જે ઓસ્ટ્રેલિયા અને ઈંગ્લેન્ડને બે હાર આપ્યા બાદ હવે ટોપ 4 માં સ્થાન મેળવે તેવી શક્યતા છે. ક્વિન્ટન ડી કોક, ટોપ-ઓર્ડર બેટ્સમેન રાસી વાન ડેર ડુસેન અને એઇડન માર્કરામ સાથે હેનરિક ક્લાસેન અને ડેવિડ મિલર સબમિશન માટે કોઈપણ બોલરને પછાડી શકે છે અને નેધરલેન્ડની ટીમ તેમાં અપવાદ રહેશે નહીં.
ફાસ્ટ બોલર માર્કો જેન્સેન અને કાગીસો રબાડાને પણ હિમાચલ પ્રદેશ ક્રિકેટ એસોસિએશન સ્ટેડિયમ ખાતે રમાનારી નેધરલેન્ડ સામેની મેચમાં મહત્વપૂર્ણ ભૂમિકા ભજવવાની જરૂર પડશે. આ પીચનો ટ્રેક બેટ્સમેનોને મદદ કરી શકે તેવો છે.
મેઈનસ્ટ્રિમ ક્રિકેટમાં નેધરલેન્ડ ટીમના બહુ ઓછા જાણીતા ચહેરા છે. પરંતુ નેધરલેન્ડ ટીમે સમયાંતરે પડકાર ઉભો કર્યો છે. જેમ કે તેઓએ 2009 T20 વર્લ્ડ કપ દરમિયાન લોર્ડ્સમાં ઇંગ્લેન્ડને હરાવીને કરેલા ભારે અપસેટની જેમ ગયા વર્ષે ઓસ્ટ્રેલિયામાં T20 વર્લ્ડ કપના સુપર 12 તબક્કામાં ડચ ટીમે 13 રને આઘાતજનક હાર આપીને બહાર કરી દીધા હતા.
સ્કોટ એડવર્ડ્સની આગેવાની હેઠળની નેધરલેન્ડ ટીમ ચોક્કસપણે ભૂતકાળના વિજયમાંથી પ્રેરણા લેશે. જોકે T20 અને 50-ઓવર ફોર્મેટ ખૂબ જ અલગ છે. જોકે, નેધરલેન્ડ અફઘાનિસ્તાન પાસેથી પણ પ્રેરણા લઈ શકે છે. ઉલ્લેખનિય છે કે, 15 ઓક્ટોબરના રોજ રાત્રે કોટલામાં અફઘાનિસ્તાન ટીમે ડિફેન્ડિંગ ચેમ્પિયન ઈંગ્લેન્ડ સહિત પ્રેક્ષકોને ચકિત કરી દીધ હતા. એકંદરે દક્ષિણ આફ્રિકા માટે આ મેચ એકતરફી રહી શકે છે, પરંતુ નેધરલેન્ડ ટીમ પણ દક્ષિણ આફ્રિકાની પાર્ટીને બગાડી શકે છે.
નેધરલેન્ડ ટીમ: સ્કોટ એડવર્ડ્સ (કેપ્ટન/વિકેટકીપર), કોલિન એકરમેન, વેસ્લી બેરેસી, બાસ ડી લીડે, આર્યન દત્ત, સાયબ્રાન્ડ એન્જેલબ્રેક્ટ, રાયન ક્લેઈન, તેજા નિદામાનુરુ, મેક્સ ઓ'ડાઉડ, સાકિબ ઝુલ્ફીકાર, શરિઝ અહમદ, લોગાન વાન બીક, રોએલોફ વાન દે મર્વે, પોલ વાન મીકરેન, વિક્રમજીત સિંહ.
દક્ષિણ આફ્રિકા ટીમ : ટેમ્બા બાવુમા (કેપ્ટન), ગેરાલ્ડ કોએત્ઝી, ક્વિન્ટન ડી કોક (વિકેટકીપર), રેઝા હેન્ડ્રીક્સ, માર્કો જેન્સેન, હેનરિક ક્લાસેન, કેશવ મહારાજ, એડેન માર્કરામ, ડેવિડ મિલર, લુંગી નગીડી, એન્ડીલે ફેહલુકવાયો, કાગીસો રબાડા, તબરેઝ શમ્સી, રાસી વાન ડેર ડુસેન, લિઝાદ વિલિયમ્સ.
- World Cup 2023 : અફઘાનિસ્તાન સામેની હાર બાદ ઈંગ્લેન્ડના કેપ્ટન બટલર કહ્યું, પોતાની ટીમ પર પૂરો વિશ્વાસ છે
- Australian captain Pat Cummins : વર્લ્ડકપમાં સતત હાર મળતા ઓસી કેપ્ટન પેટ કમિન્સે કહ્યું; અહીંથી દરેક મેચ અમારા માટે ફાઈનલ જેવી છે
