WIPL 2023: જાણો ક્યાં અને ક્યારે લાગશે ખેલાડીઓની બોલી

વિમેન્સ ઈન્ડિયન પ્રીમિયર લીગની પ્રથમ સિઝન માટે ખેલાડીઓની હરાજી આવતા સપ્તાહે થશે. ખેલાડીઓ માટે 5 ટીમો બોલી લગાવશે. WIPLની પ્રથમ સિઝન 4 માર્ચથી શરૂ થવાની સંભાવના છે. (Women Indian Premier League 2023 )

નવી દિલ્હીઃ પુરૂષોની IPL બાદ હવે મહિલા IPL પણ ધમાલ મચાવવા માટે તૈયાર છે. મહિલા IPLમાં દેશ-વિદેશની ખેલાડીઓ ચોગ્ગા અને છગ્ગા વડે ક્રિકેટ ચાહકોનું મનોરંજન કરતી જોવા મળશે. પ્રથમ વખત આયોજિત મહિલા IPL માટે મહિલા ખેલાડીઓની હરાજી 13 ફેબ્રુઆરીએ મુંબઈમાં યોજાશે. Jio વર્લ્ડ કન્વેન્શન સેન્ટર ખાતે મેગા ઓક્શન થશે. જેમાં ફ્રેન્ચાઈઝી પોતાની ટીમો માટે ખેલાડીઓ ખરીદશે.

ખેલાડીઓની હરાજી:બીસીસીઆઈએ ફ્રેન્ચાઈઝી માલિકો સાથે વાત કર્યા બાદ હરાજીની તારીખ નક્કી કરી છે. UAEમાં ચાલી રહેલી ઇન્ટરનેશનલ લીગ T20 અને દક્ષિણ આફ્રિકાની SA20 લીગ 12 ફેબ્રુઆરીએ સમાપ્ત થઈ રહી છે. આ પછી ખેલાડીઓની હરાજી કરવામાં આવશે. WIPL માટે હરાજીમાં ખેલાડીઓ ખરીદવા માટે દરેક ટીમને 12 કરોડ રૂપિયાનું પર્સ મળશે. દર વર્ષે પર્સમાં 1.5 કરોડ રૂપિયાનો વધારો કરવામાં આવશે.

આ પણ વાંચો:WPL 2023 Auction: આ 5 ખેલાડીઓને હરાજીમાં મળી શકે છે મોટી રકમ, વર્લ્ડકપમાં હતું શાનદાર પ્રદર્શન

ઈનામી રકમ:પુરુષોની IPLમાં WPL 2023ની ઈનામી રકમની સરખામણીમાં આ રકમ ઘણી ઓછી છે. મેન્સ આઈપીએલમાં એક ટીમ પાસે 95 કરોડ રૂપિયા છે. તમને જણાવી દઈએ કે જે ટીમ WPL 2023 (WPL 2023)નું ટાઈટલ જીતશે તેને 6 કરોડ રૂપિયાની ઈનામી રકમ મળશે. તે જ સમયે, ઉપવિજેતા ટીમને 3 કરોડ રૂપિયા અને ત્રીજા સ્થાને રહેલી ટીમને એક કરોડ રૂપિયા આપવામાં આવશે.

આ પણ વાંચો:Anushka Virat Trekking : પાપા કોહલી ખભા પર બેસાડી દીકરીને ફરવા લઈ ગયા

આ શહેરોમાં મળી ટીમો: વિમેન્સ પ્રીમિયર લીગ (WPL)ની પાંચ ટીમોની હરાજી કરવામાં આવી છે. સૌથી વધુ બોલી અમદાવાદ ફ્રેન્ચાઈઝી માટે હતી. જેને અદાણી ગ્રુપે રૂ. 1,289 કરોડમાં ખરીદ્યો હતો. અમદાવાદ ઉપરાંત મુંબઈ, દિલ્હી, બેંગલુરુ અને લખનઉની ફ્રેન્ચાઈઝી પણ વેચાઈ છે. તમામ ટીમોમાં પાંચ વિદેશી ખેલાડીઓ રમી શકશે. WPL દરમિયાન 22 મેચો રમાશે.