Usman Khan: ઉસ્માન ખાને ટેસ્ટ ક્રિકેટમાં બનાવ્યો જોરદાર રેકોર્ડ, 12 ફોર-9 સિક્સ

Usman Khan Fastest Century : મુલતાન-સુલ્તાન ઓપનર ઉસ્માન ખાને પાકિસ્તાન સુપર લીગમાં ઐતિહાસિક ઇનિંગ રમી છે. ઉસ્માને 24 કલાકમાં પોતાની ટીમના ખેલાડી રિલે રોસોનો રેકોર્ડ તોડ્યો હતો.

નવી દિલ્હીઃPSLમાં રવિવારે મુલ્તાન-સુલ્તાન અને ક્વેટા ગ્લેડીયેટર્સ વચ્ચે મેચ હતી. મુલતાન-સુલ્તાન આ મેચ 9 રને જીતી હતી. મેચમાં મુલતાનના ઓપનર ઉસ્માને 43 બોલમાં 120 રનની ઇનિંગ રમી હતી. ઉસ્માને ઈનિંગમાં 12 ફોર અને 9 સિક્સર ફટકારી હતી. તેની ધમાકેદાર બેટિંગના કારણે મુલતાને 20 ઓવરમાં 3 વિકેટ ગુમાવીને 262 રન બનાવ્યા હતા. પીએસએલની સૌથી ઝડપી સદી ઉસ્માનના બેટમાંથી નીકળી હતી. ઉસ્માને માત્ર 36 બોલમાં સદી ફટકારી હતી. પીએસએલની 28મી મેચ ઈતિહાસમાં નોંધાઈ હતી. ઉસ્માને તાજેતરમાં બનાવેલ સૌથી ઝડપી સદીનો રિલે રોસોનો રેકોર્ડ તોડ્યો હતો.

પહેલા પણ રિલેએ સૌથી ઝડપી સદી ફટકારી :રિલેએ 10 માર્ચે પેશાવર જાલ્મી સામે 41 બોલમાં PSLમાં સૌથી ઝડપી સદી ફટકારી હતી. પરંતુ તેનો આ રેકોર્ડ ટૂંક સમયમાં નાશ પામ્યો. આ પહેલા પણ રિલેએ સૌથી ઝડપી સદી ફટકારી હતી. 2020 PSL સિઝનમાં, રિલેએ 43 બોલમાં સદી ફટકારી હતી. તેણે આ સદી ક્વેટા ગ્લેડીયેટર્સ સામે ફટકારી હતી. જેસન રોયે પણ પીએસએલમાં 44 બોલમાં સદી ફટકારી છે. રોયે આ કારનામું 8 માર્ચ 2023ના રોજ રાવલપિંડીમાં રમાયેલી મેચમાં કર્યું હતું. જેસન સિવાય હેરી બ્રુકે 19 ફેબ્રુઆરી 2022ના રોજ લાહોરમાં 48 બોલમાં સૌથી ઝડપી સદી ફટકારી હતી.

ઉસ્માન ખાન અને મોહમ્મદ રિઝવાને ઇનિંગની શરૂઆત કરી :મુલતાન-સુલતાન માટે ઉસ્માન ખાન અને મોહમ્મદ રિઝવાને ઇનિંગની શરૂઆત કરી હતી. બંનેએ શાનદાર શરૂઆત કરી અને 157 રનની ભાગીદારી કરી. રિઝવાને 29 બોલ રમીને 6 ચોગ્ગા અને 2 છગ્ગાની મદદથી 55 રન બનાવ્યા હતા. મુલતાને નિર્ધારિત ઓવરમાં 262 રન બનાવ્યા હતા. જેના જવાબમાં ક્વેટા ગ્લેડીયેટર્સની ટીમ 20 ઓવરમાં 8 વિકેટ ગુમાવીને 253 રન જ બનાવી શકી હતી. ક્વેટાના ઉમર યુસુફે સૌથી વધુ 67 રન બનાવ્યા હતા. ઇફ્તિખાર અહેમદે પણ 53 રનની ઇનિંગ રમી હતી.