ધ ઓવલઃભારતીય ક્રિકેટ ટીમના કેપ્ટન રોહિત શર્મા આજે તેની 50મી ટેસ્ટ મેચ રમવા જઈ રહ્યો છે. રોહિત શર્મા ICC ટેસ્ટ ચેમ્પિયનશિપની અંતિમ મેચમાં આ સિદ્ધિ હાંસલ કરશે. સાથે જ ઓસ્ટ્રેલિયા સામેની મેચ જીતીને તે પોતાની 50મી ટેસ્ટ મેચને યાદગાર બનાવવાનો પ્રયાસ કરશે. આવી સ્થિતિમાં આજે કેપ્ટન રોહિત શર્મા અંગૂઠાની ઈજાને ભૂલીને આ મેચમાં રમવા માટે સંપૂર્ણપણે તૈયાર છે.
49 મેચની 83 ઇનિંગ્સમાં 9 સદી ફટકારી છે: તમને જણાવી દઈએ કે, રોહિત શર્મા અત્યાર સુધી કુલ 49 ટેસ્ટ મેચ રમી ચુક્યો છે. 49 મેચની 83 ઇનિંગ્સમાં 3379 રન બનાવ્યા. આ દરમિયાન રોહિત શર્માની બેટિંગ એવરેજ 45.66 રહી છે. જ્યારે 49 ટેસ્ટ મેચોમાં તેણે 9 સદી અને 14 અડધી સદી ફટકારી છે.
ઓપનર તરીકે તેની એવરેજ 52.76 રહી છે:રોહિત શર્માનો ટેસ્ટ મેચમાં પણ ઓપનર તરીકે સારો રેકોર્ડ છે. ઓપનર તરીકે તેણે કુલ 36 ઇનિંગ્સ રમી છે. ઓપનર તરીકે તેની એવરેજ 52.76 રહી છે, જ્યારે આ દરમિયાન તેણે ઓપનર તરીકે છ સદી અને 4 અડધી સદી ફટકારી છે. ટેસ્ટ મેચમાં તેની બેવડી સદી પણ છે.
પ્રેક્ટિસ માટે આવ્યો નહોતો:રોહિતને ગઈ કાલે પ્રેક્ટિસ દરમિયાન અંગૂઠામાં ઈજા થઈ હતી, જેના કારણે તે ફરીથી પ્રેક્ટિસ માટે આવ્યો નહોતો. પરંતુ આજની મેચ માટે તે એકદમ ફિટ હોવાનું કહેવાય છે. તે આજની મેચ રમવા માટે સંપૂર્ણ રીતે તૈયાર છે. જોકે, BCCIએ આ ઈજાને લઈને કોઈ અપડેટ આપી નથી.
આ પણ વાંચો:
- Wtc Final 2023 : ભારત અને ઓસ્ટ્રેલિયા વચ્ચે આજે વર્લ્ડ ટેસ્ટ ચેમ્પિયનશિપની ફાઇનલ મેચ, બપોરે 3 વાગ્યે મેચ શરુ થશે
- Wtc Final 2023: જાણો કેવો રહેશે પિચનો મૂડ, ટોસ જીતીને બેટિંગ અને બોલિંગ વચ્ચે શું ફાયદાકારક રહેશે?
- Virat Kohli Interview : વિરાટ કોહલીએ ટીમને આપી જીતની ફોર્મ્યુલા, આવી છે ટીમની તૈયારી
