નવી દિલ્હીઃઅમદાવાદમાં ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફીની છેલ્લી મેચ રમાઈ રહી છે. ચોથી ટેસ્ટના ત્રીજા દિવસે શુભમન ગિલે રોહિત શર્મા સાથે ક્રિઝ પર ઓપનિંગ કરી હતી. ભારતીય ટીમના કેપ્ટન રોહિત શર્માએ આ ઇનિંગમાં એક મોટી સિદ્ધિ મેળવી છે. રોહિત અને શુભમનની જોડીએ વિકેટ ગુમાવીને ટીમ ઈન્ડિયાનો સ્કોર 36 રનથી વધારીને 74 રન કરી દીધો છે. ભારતીય ટીમે 74 રનમાં પોતાની એક વિકેટ ગુમાવી દીધી છે. ઓસ્ટ્રેલિયન બોલર મેથ્યુ કુહનેમેને રોહિત શર્માને બોલ્ડ કર્યો છે. રોહિત શર્મા 35 રન બનાવીને આઉટ થયો હતો.
Rajasthan Royals Anthem launch: રાજસ્થાન રોયલ્સે ચાહકોને ઉત્સાહિત કરવા ગીત બહાર પાડ્યું
આંતરરાષ્ટ્રીય ક્રિકેટમાં પોતાના 17 હજાર રન પૂરા કર્યા:ચોથી ટેસ્ટના ત્રીજા દિવસે રોહિત શર્માએ 21 રન બનાવ્યા અને આંતરરાષ્ટ્રીય ક્રિકેટમાં પોતાના 17 હજાર રન પૂરા કર્યા. રોહિત શર્મા આવું કરનાર 7મો ભારતીય ખેલાડી બની ગયો છે. આ પહેલા ક્રિકેટના આંતરરાષ્ટ્રીય ફોર્મેટમાં વિરાટ કોહલી, ભૂતપૂર્વ ભારતીય અને દિગ્ગજ ક્રિકેટર સચિન તેંડુલકર, રાહુલ દ્રવિડ, સૌરવ ગાંગુલી, વિરેન્દ્ર સેહવાગ અને મહેન્દ્ર સિંહ ધોની સહિત 17 હજારના આંકડાને સ્પર્શી ચૂક્યા છે. પરંતુ આંતરરાષ્ટ્રીય ક્રિકેટમાં સૌથી વધુ 34357 રન બનાવવાનો રેકોર્ડ માસ્ટર બ્લાસ્ટર સચિન તેંડુલકરના નામે છે. હવે આ યાદીમાં રોહિત શર્મા પણ જોડાઈ ગયો છે.
Test Series India Vs Aus.: ઓસ્ટ્રેલિયાની સારી શરૂઆત પણ ઈન્ડિયન બોલર્સ માત્ર બે વિકેટ ખેરવી શક્યા
કેવું રહ્યું અત્યાર સુધીનું કરિયર: રોહિત શર્માએ 148 T20 ઇન્ટરનેશનલ મેચ રમી છે. રોહિતે આ મેચોની 140 ઇનિંગ્સમાં 3853 રન બનાવ્યા છે. જેમાં તેનો સર્વોચ્ચ સ્કોર 118 રન રહ્યો છે. તેણે T20 ઈન્ટરનેશનલમાં 4 સદી અને 29 અડધી સદી પણ ફટકારી છે. આ સિવાય તેણે 407 મેચની 394 ઇનિંગ્સમાં 10703 રન બનાવ્યા છે. જેમાં તેણે 6 સદી અને 72 અડધી સદી ફટકારી છે. ODI ક્રિકેટમાં રોહિત શર્માએ 241 મેચોની 234 ઇનિંગ્સમાં 9782 રન બનાવ્યા છે. રોહિતનો વનડેમાં સર્વોચ્ચ સ્કોર 264 રન છે. જેમાં તેણે 30 સદી અને 48 અડધી સદી ફટકારી છે.
