Asia Cup 2023: પાકિસ્તાન પાસેથી છીનવાઈ શકે છે એશિયા કપની યજમાની

શું ભારત પાકિસ્તાનમાં રમવા માટે જશે? એશિયા કપનું આયોજન પાકિસ્તાનમાં જ કરાશે કે પછી UAEમાં કરવામાં આવશે? ભારત પાકિસ્તાનમાં રમવા જશે કે કેમ તે અંગે વલણ સ્પષ્ટ છે પરંતુ આજે આ અંગે ચોક્કસ નિર્ણય લઈ લેવામાં આવશે. BCCI ભારતીય ટીમને ટૂર્નામેન્ટ માટે પાકિસ્તાન મોકલવા માંગતું નથી. શનિવારે આ અંગે એશિયન ક્રિકેટ કાઉન્સિલની બેઠક મળી હતી.

નવી દિલ્હી:સપ્ટેમ્બરમાં યોજાનાર એશિયા કપનું આયોજન પાકિસ્તાનને બદલે અન્ય કોઈ જગ્યાએ થઈ શકે છે. BCCI એશિયા કપ માટે ભારતીય ટીમને પાકિસ્તાન મોકલવા માંગતું નથી. જેના કારણે એશિયા કપનું આયોજન પાકિસ્તાનની બહાર થઈ શકે છે. એશિયા કપને લઈને 4 ફેબ્રુઆરીએ એશિયા ક્રિકેટ કાઉન્સિલની બેઠક યોજાઈ હતી. આ બેઠકમાં સ્થળ બદલવા અંગે કોઈ નિર્ણય લેવામાં આવ્યો ન હતો, પરંતુ હવે માર્ચમાં ફરીથી બેઠક યોજાશે.

બહેરીનમાં બેઠક: ભારતીય ક્રિકેટ કંટ્રોલ બોર્ડના સચિવ જય શાહે એશિયા ક્રિકેટ કમિટીની બેઠકમાં ભાગ લેવા માટે બહેરીનમાં છે. આ બેઠક પીસીબીના ચેરમેન નઝમ સેઠીના રજૂઆત પર બોલાવવામાં આવી છે, જેમાં પાકિસ્તાનના એશિયા કપના આયોજનના અધિકાર અંગે નિર્ણય લેવામાં આવશે.

બેઠકમાં લેવામાં આવશે નિર્ણય:એશિયા કપને અન્ય દેશમાં શિફ્ટ કરવાનો નિર્ણય માર્ચમાં યોજાનારી ACCની બેઠકમાં લેવામાં આવશે. ગઈકાલે યોજાયેલી બેઠકમાં પાકિસ્તાન ક્રિકેટ બોર્ડ (PCB) એ એશિયા કપને અન્ય કોઈ દેશમાં ન શિફ્ટ કરવાની વાત કરી હતી. પરંતુ એશિયા ક્રિકેટ કાઉન્સિલના પ્રમુખ અને BCCI સેક્રેટરી જય શાહ પોતાની વાત પર અડગ રહ્યા. આ બેઠક બાદ સ્પષ્ટ છે કે એશિયા કપની યજમાની પાકિસ્તાન પાસેથી છીનવી લેવાનું નિશ્ચિત છે.

એશિયા કપ UAE અથવા શ્રીલંકામાં યોજાઈ શકે: એશિયા કપ 2023ને લઈને એશિયન ક્રિકેટ કાઉન્સિલ (ACC)ની ઈમરજન્સી બેઠક બહેરીનમાં યોજાઈ હતી. આ બેઠક પાકિસ્તાનની માંગ પર બોલાવવામાં આવી હતી. બેઠકમાં એશિયા કપ સહિત અનેક મહત્વપૂર્ણ મુદ્દાઓ પર ચર્ચા કરવામાં આવી હતી. જય શાહની અધ્યક્ષતામાં મળેલી બેઠકમાં સ્પષ્ટ થઈ ગયું છે કે એશિયા કપ પાકિસ્તાનની બહાર થશે, જેનો નિર્ણય માર્ચમાં યોજાનારી આગામી બેઠકમાં લેવામાં આવશે. માનવામાં આવી રહ્યું છે કે એશિયા કપ UAE અથવા શ્રીલંકામાં યોજાઈ શકે છે.

આ પણ વાંચોWomen Premier League 2023 : અમદાવાદની ટીમમાં ઓસ્ટ્રેલિયાની બે પૂર્વ ખેલાડીઓને મળી જગ્યા, તુષાર અરોઠેને સોંપાઈ મોટી જવાબદારી

ACC ના બજેટમાં વધારો:ACCની બેઠકમાં અફઘાનિસ્તાન ક્રિકેટના વાર્ષિક બજેટમાં વધારો કરવામાં આવ્યો હતો. એશિયા ક્રિકેટ કાઉન્સિલે સર્વસંમતિથી અફઘાનિસ્તાન ક્રિકેટ બોર્ડ (ACB)ના બજેટમાં 6 ટકાનો વધારો કર્યો છે. હવે એસીબીનું વાર્ષિક બજેટ વધીને 15 ટકા થઈ ગયું છે. બેઠકમાં ભાગ લેનાર તમામ દેશોના પ્રતિનિધિઓએ અફઘાનિસ્તાનમાં મહિલા ક્રિકેટના વિકાસ અંગે વાત કરી હતી.

આ પણ વાંચોBorder Gavskar Trophy : રોહિત શર્મા માટે ઓસ્ટ્રેલિયા સામે ટેસ્ટ સિરીઝ જીતવી હશે મોટો પડકાર

એશિયા કપની યજમાની પાકિસ્તાનના હાથમાંથી છીનવાશે:શ્રીલંકા એશિયા કપની વર્તમાન ચેમ્પિયન છે. તેણે 2022ની ફાઇનલમાં પાકિસ્તાનને 23 રનથી હરાવ્યું હતું. ભારત સાત વખત એશિયા કપમાં ચેમ્પિયન રહ્યું છે. એશિયા કપની 16મી આવૃત્તિ 2023માં યોજાશે. પરંતુ તે ક્યાં યોજાશે તે અંગે હજુ પણ શંકા છે. જો કે એ સ્પષ્ટ છે કે એશિયા કપની યજમાની પાકિસ્તાનના હાથમાંથી છીનવાઈ જવાની ખાતરી છે.