નવી દિલ્હીઃપૂર્વ ભારતીય કેપ્ટન અને સ્ટાર બેટ્સમેન મહેન્દ્ર સિંહ ધોની ઈન્ડિયન પ્રીમિયર લીગ 2023ની તૈયારીમાં વ્યસ્ત છે. આ માટે ધોનીએ મેદાન પર જોરદાર બેટિંગની પ્રેક્ટિસ કરી હતી. ધોનીનો એક વીડિયો સોશિયલ મીડિયા પર ખૂબ જ ટ્રેન્ડ કરી રહ્યો છે. ધોની જ્યારે પણ બેટિંગ કરે છે ત્યારે તેના ફેન્સ તેને જોવા ઈચ્છે છે.
આ પણ વાંચો:MI Vs GG WPL 2023:હરમનપ્રીતના દમદાર પર્ફોમન્સે ગુજરાત જાયન્ટસને ધોબી પછડાટ આપી
IPLમાં ધોની: ધોનીની આંતરરાષ્ટ્રીય ક્રિકેટમાંથી નિવૃત્તિ બાદ ચાહકો IPLની આતુરતાથી રાહ જોઈ રહ્યા છે. આ જ કારણ છે કે, ધોની હવે માત્ર IPLમાં જ રમતા જોવા મળે છે. હવે આઈપીએલ 2023 લીગ 31 માર્ચથી શરૂ થવા જઈ રહી છે. આવી સ્થિતિમાં લોકોને વધુ રાહ જોવાની જરૂર નથી અને ટૂંક સમયમાં ધોની IPLમાં પોતાના બેટથી અજાયબી કરતો જોવા મળશે.
હજારો લોકોએ લાઈક કર્યો વીડિયો: ચેન્નાઈ સુપર કિંગ્સે પોતાના ટ્વિટર હેન્ડલ પર એમએસ ધોનીની પ્રેક્ટિસનો વીડિયો શેર કર્યો છે. વીડિયોમાં ધોની તેની ટીમ CSK સાથે IPL માટે નેટ પર પ્રેક્ટિસ કરતો જોવા મળે છે. આ દરમિયાન ધોનીએ સારી ડ્રાઈવ પણ કરી છે. અત્યાર સુધીમાં આ વીડિયોને 16 હજારથી વધુ લોકોએ લાઈક કર્યો છે. આ સાથે જ ફેન્સ વીડિયોને રીટ્વીટ અને પોસ્ટ કરી રહ્યા છે અને ઘણા લોકો કોમેન્ટ કરીને પોતાનો પ્રતિભાવ આપી રહ્યા છે.
આ પણ વાંચો:T20 series in Kolkata : ભીમા ખૂંટી હશે ટી20 સિરીઝમાં ઇન્ડિયન ગ્લેડીયેટર્સ ટીમના કેપ્ટન
જાડેજા પાસેથી કેપ્ટનશીપ પાછી ખેંચાઈ: આ વખતે ધોની IPL લીગમાં ચેન્નાઈ સુપર કિંગ્સની કપ્તાની સંભાળી શકે છે. તમને જણાવી દઈએ કે ધોનીએ ગત સિઝનમાં ઓલરાઉન્ડર રવિન્દ્ર જાડેજાને CSKની કેપ્ટન્સી સોંપી હતી. પરંતુ જાડેજાની કપ્તાનીમાં ટીમ સતત પરાજય પામી રહી હતી. જેના કારણે જાડેજા પાસેથી કેપ્ટનશીપ પાછી ખેંચી લેવામાં આવી હતી.
