નવી દિલ્હીઃ ભારતના ઝડપી બોલિંગ લીડર જસપ્રીત બુમરાહની ઈજાને કારણે દક્ષિણ આફ્રિકા સામે (India vs South Africa) ની બાકીની બે T20 આંતરરાષ્ટ્રીય ક્રિકેટ મેચ માટે મોહમ્મદ સિરાજ (Mohd Siraj replaces injured Jasprit Bumrah) ને ટીમમાં સામેલ કરવામાં આવ્યો છે. ભારતનો ઝડપી બોલર જસપ્રીત બુમરાહ આ શ્રેણીમાંથી બહાર થઈ ગયો છે. તેઓ ઘાયલ થયા છે. તેથી તેના સ્થાને ફાસ્ટ બોલર મોહમ્મદ સિરાજને ટીમમાં સામેલ કરવામાં આવ્યો છે. યુવા બોલર સિરાજે ભારત માટે ઘણા પ્રસંગોએ શાનદાર પ્રદર્શન કર્યું છે. તેને ટી20 વર્લ્ડ કપ 2022 માટે પણ તક મળી શકે છે. BCCIએ સોશિયલ મીડિયા દ્વારા સિરાજને ટીમમાં સામેલ કરવાની જાણકારી આપી હતી.
મોહમ્મદ સિરાજ:ભારતીય ક્રિકેટ બોર્ડ (BCCI)ના સચિવ જય શાહે જણાવ્યું હતું કે, અખિલ ભારતીય વરિષ્ઠ પસંદગી સમિતિએ ઈજાગ્રસ્ત જસપ્રિત બુમરાહના સ્થાને દક્ષિણ આફ્રિકા સામેની બાકીની T20 શ્રેણી માટે ભારતીય ટીમમાં મોહમ્મદ સિરાજનો સમાવેશ કર્યો છે. શુક્રવારે જારી નિવેદનમાં તેમણે કહ્યું, બુમરાહ પીઠની ઈજાથી પરેશાન છે અને હાલમાં તે બીસીસીઆઈની મેડિકલ ટીમની દેખરેખમાં છે.
T20 ઈન્ટરનેશનલ મેચ:28 વર્ષીય જમણા હાથના ફાસ્ટ બોલર સિરાજે અત્યાર સુધીમાં પાંચT20 ઈન્ટરનેશનલ મેચ રમી છે, જેમાં તેમણે પાંચ વિકેટ ઝડપી છે. તેમણે આ વર્ષે ફેબ્રુઆરીમાં ધર્મશાલામાં શ્રીલંકા સામે તેની છેલ્લી T20 આંતરરાષ્ટ્રીય મેચ રમી હતી. ભારત હાલમાં દક્ષિણ આફ્રિકા સામેની ત્રણ મેચની શ્રેણીમાં 1-0થી આગળ છે. તેઓએ બુધવારે તિરુવનંતપુરમમાં પ્રથમ મેચ આઠ વિકેટથી જીતી હતી. બીજી મેચ 2 ઓક્ટોબરે ગુવાહાટીમાં અને ત્રીજી મેચ 4 ઓક્ટોબરે ઈન્દોરમાં રમાશે.
આંતરરાષ્ટ્રીય મેચ:મોહમ્મદ સિરાજે ટી20 ફોર્મેટમાં સારું પ્રદર્શન કર્યું છે. તે ઈન્ડિયન પ્રીમિયર લીગ દ્વારા ચમક્યો હતો. આ પછી, તેમણે વર્ષ 2017 માં ન્યુઝીલેન્ડ સામે રમીને ટી20 આંતરરાષ્ટ્રીય ડેબ્યૂ કર્યું. સિરાજે અત્યાર સુધીમાં 5 T20 આંતરરાષ્ટ્રીય મેચ રમી છે. આ દરમિયાન તેમણે 5 વિકેટ ઝડપી છે. સિરાજે છેલ્લી T20 આંતરરાષ્ટ્રીય મેચ ફેબ્રુઆરી 2022માં શ્રીલંકા સામે રમી હતી. તેણે 10 મેચમાં 13 વિકેટ લીધી છે.
ટી20 વર્લ્ડ કપ તક:નોંધનીય છે કે, ભારત સિરાજને ટી20 વર્લ્ડ કપ 2022 માટે પણ તક આપી શકે છે. બુમરાહની ગેરહાજરીમાં તેની પાસે ટીમ ઈન્ડિયામાં સામેલ થવાની સારી તક છે. પરંતુ આ માટે સિરાજે દક્ષિણ આફ્રિકા સામેની બાકીની બે ટી-20 મેચમાં પોતાને સાબિત કરવું પડશે. દક્ષિણ આફ્રિકા સામેની પ્રથમ T20 મેચમાં ભારત તરફથી અર્શદીપ સિંહ અને દીપક ચહરે શાનદાર બોલિંગ કરી હતી.
સિરાજ પાસે અનુભવ:મોહમ્મદ શમી સિવાય દીપક ચાહર અને મોહમ્મદ સિરાજ પણ વર્લ્ડ કપ ટીમનો ભાગ બનવાની રેસમાં છે. દીપક ચહરને સાઉથ આફ્રિકા સામે ટી-20 સિરીઝ રમવાની તક મળી છે. પ્રથમ T20 મેચમાં દીપક ચહરે શાનદાર બોલિંગ કરતા બે વિકેટ ઝડપી હતી અને પોતાના પ્રદર્શનથી બધાને પ્રભાવિત કર્યા હતા. મોહમ્મદ સિરાજે તાજેતરમાં કાઉન્ટી ક્રિકેટમાં સારો દેખાવ કર્યો છે. સિરાજને ઓસ્ટ્રેલિયાની પીચો પર રમવાનો અનુભવ પણ છે. ઓસ્ટ્રેલિયામાં ડેબ્યૂ કર્યા બાદ સિરાજે પાછું વળીને જોયું નથી અને હવે તે ટીમ ઈન્ડિયાનો અભિન્ન હિસ્સો છે.
ભારતીય ટીમઃરોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, ઋષભ પંત (WK), દિનેશ કાર્તિક (WK), આર અશ્વિન, યુઝવેન્દ્ર ચહલ, અક્ષર પટેલ, અર્શદીપ સિંહ, હર્ષલ પટેલ, દીપક ચહર, ઉમેશ યાદવ, શ્રેયસ અય્યર, શાહબાઝ અહેમદ, મોહમ્મદ સિરાજ.
