નવી દિલ્હી:ચેન્નાઈના ચેપોક સ્ટેડિયમમાં એસએસ ધોનીના સુકાની ચેન્નાઈ સુપર કિંગ્સ અને કેએલ રાહુલના નેતૃત્વમાં લખનૌ સુપર જાયન્ટ્સ વચ્ચેની નજીકની લડાઈ જોવા મળી હતી. ચેન્નાઈના સ્ટાર બેટ્સમેન ઋતુરાજ ગાયકવાડે મેદાનમાં પ્રવેશતાની સાથે જ આક્રમક ફોર્મ અપનાવ્યું હતું. ઋતુરાજે તોફાની ઇનિંગ રમીને 18 બોલમાં 40 રન બનાવ્યા હતા. ઋતુરાજે લખનૌના બોલરોની ધોલાઈ કરતાં એવો સ્ટ્રોક ફટકાર્યો કે, પ્રાયોજકોને નુકસાન સહન કરવું પડ્યું. ઋતુરાજના ફટકા પછી, બોલ ચેપોક મેદાન પર પાર્ક કરેલી સ્પોન્સર્સ કારને જઈને અથડાયો હતો. બોલની સ્પીડ એટલી ઝડપી હતી કે તેણે કારને પણ ડેન્ટ આપ્યો હતો.
આ પણ વાંચો:IPL Points Table : જાણો કેવી રીતે ચાલી રહી છે ઓરેન્જ અને પર્પલ કેપના દાવેદારો વચ્ચે રેસ
વીડિયો સોશિયલ મીડિયા પર વાયરલ: IPLની 7મી મેચમાં ઋતુરાજ ગાયકવાડે આ સિઝનમાં પોતાની બીજી ફિફ્ટી ફટકારી છે. 3 એપ્રિલે ચેપોકમાં રમાયેલી મેચમાં ઋતુરાજે લખનૌ સામે 31 બોલમાં 57 રનની ધમાકેદાર ઇનિંગ રમી હતી. આ ઇનિંગમાં તેણે 3 ફોર અને 4 સિક્સ પણ ફટકારી છે. પરંતુ આ 4 સિક્સરમાં ઋતુરાજની એક સિક્સ ઘણી હેડલાઈન્સમાં આવી રહી છે. તેનો વીડિયો સોશિયલ મીડિયા પર ઘણો ટ્રેન્ડ કરી રહ્યો છે. તેમાં સ્પષ્ટપણે જોઈ શકાય છે કે કેવી રીતે ઋતુરાજે તોફાની શોટ મારતા બોલને બાઉન્ડ્રી ક્રોસ કર્યો અને આ બોલ કાર સાથે અથડાયો. તમને જણાવી દઈએ કે મેદાનમાં પાર્ક કરેલી ટાટા ટિયાગો કાર, જેના પર ડેન્ટ હતું, તે આઈપીએલમાં સૌથી વધુ સ્ટ્રાઈક રેટ સાથે રન બનાવનારા બેટ્સમેનોને આપવામાં આવનાર હતું.
આ પણ વાંચો:DC vs GT : જો તમે દિલ્હી કેપિટલ્સ અને ગુજરાત ટાઈટન્સની મેચ જોવા સ્ટેડિયમમાં જઈ રહ્યા છો તો આ બાબતોનું ધ્યાન રાખો
ઋતુરાજ ગાયકવાડ શાનદાર ફોર્મમા:ચેન્નાઈ સુપર કિંગ્સની પ્રથમ મેચમાં ઋતુરાજે નરેન્દ્ર મોદી સ્ટેડિયમમાં 50 બોલમાં 92 રનની તોફાની ઇનિંગ રમી હતી. પરંતુ આ મેચ હાર્દિક પંડ્યાની ગુજરાજ ટાઇટન્સે જીતી હતી. તે જ સમયે, સીએકે તેની બીજી મેચમાં 20 ઓવરમાં 7 વિકેટના નુકસાન પર 217 રન બનાવ્યા હતા. આ પછી લખનૌને 218 રનનો ટાર્ગેટ પૂરો કરવાનો હતો અને 20 ઓવરમાં સાત વિકેટ ગુમાવીને 205 રન થઈ ગયા હતા. આ રીતે સીએકે લખનૌને 12 રને હરાવીને મેચ જીતવામાં સફળ રહી છે.
