RR vs PBKS IPL 2023 LIVE: રાજસ્થાન રોયલ્સ સામે પંજાબ કિંગ્સની 5 રને જીત

IPL 2023ની 8મી મેચ રાજસ્થાન રોયલ્સ અને પંજાબ કિંગ્સ વચ્ચે ગુવાહાટીમાં મેચ રમાઈ રહી હતી. પંજાબે 20 ઓવરમાં ચાર વિકેટ ગુમાવીને 197 રન બનાવ્યા હતા. જ્યારે રાજસ્થાન 20 ઓવરમાં સાત વિકેટના નુકસાને 192 રન બનાવ્યા હતા. આમ રાજસ્થાન 5 રને હારી ગયું હતું.

ગુવાહાટી:પંજાબ કિંગ્સે પ્રથમ બેટિંગ લીધી હતી અને 20 ઓવરને અંતે 4 વિકેટના નુકસાને 197 રન બનાવ્યા હતા. રાજસ્થાન રોયલ્સને 20 ઓવરમાં 198 રન કરવાનો ટાર્ગેટ આપ્યો હતો. જો કે રાજસ્થાન રોયલ્સ 198 રન ચેઝ કરવામાં 7 વિકેટ ગુમાવી દીધી હતી. પણ રન ચેઝ કરી શકી ન હતી. 20 ઓવરને અંતે રાજસ્થાનના 192 રન થયા હતા. આમ પંજાબ કિંગ્સ 5 રને જીતી ગઈ હતી.

પંજાબ કિગ્સની બેટિંગઃ પંજાબ કિગ્સે પ્રથમ બેટિંગ લીધી હતી. પ્રભસિમરન 34 રનમાં 60 રન કર્યા હતા. શિખર ધવન (કેપ્ટન) 56 બોલમાં 86 રન(નોટ આઉટ) રહ્યો હતો. બી રાજાપક્સા 1 બોલમાં એક રન, જિતેશ શર્મા(વિકેટ કિપર) 16 બોલમાં 27 રન, રાઝા બે બોલમાં 1 રન, શાહરૂખ ખાન 10બોલમાં 11 રન, સામ ક્યુરન બે બોલમાં 1 રન(નોટ આઉટ) રહ્યા હતા. અને 10 રન એકસ્ટ્રા મળ્યા હતા. આમ પંજાબ કિગ્સના 20 ઓવરમાં 4 વિકેટના ભોગે 197 રન થયા હતા. અને રાજસ્થાન રોયલ્સને 198 રનનો ટાર્ગેટ આપ્યો હતો.

રાજસ્થાન રોયલ્સની બોલીંગઃ બોલ્ટે 4 ઓવરમાં 38 રન આપ્યા હતા. કે એમ આસિફ 4 ઓવરમાં 54 રન, અશ્વીન 4 ઓવરમાં 25 રન આપીને એક વિકેટ ઝડપી હતી. હોલ્ડર 4 ઓવરમાં 29 રન આપી બે વિકેટ ઝડપી હતી. ચહલ 4 ઓવરમાં 50 રન આપીને 1 વિકેટ ઝડપી હતી. આમ કે એમ આસિફ અને ચહલ મોંઘા બોલર સાબિત થયા હતા.

રાજસ્થાન રોયલ્સની બેટિંગઃ યશસ્વી જયસ્વાલ 8 બોલમાં 11 રન કર્યા હતા. રવિચન્દ્રન અશ્વિન ચાર બોલમાં શૂન્ય રન, જોસ બટલર 11 બોલમાં 19 રન, સંજુ સેમસન 25 બોલમાં 42 રન, દેવદત્ત પડિક્કલ 26 બોલમાં 21 રન, રિયાન પરાગ 12 બોલમાં 20 રન, શિમરોન હેતમ્યાર 18 બોલમાં 36 રન, ધ્રુવ જુરેલ 15 બોલમાં 32 રન(નોટ આઉટ) અને જેસન હોલ્ડર એક બોલ એક રન(નોટઆઉટ) કર્યા હતા. 10 રન એક્સ્ટ્રા મળ્યા હતા. આમ કુલ સાત ઓવરમાં 192 રન કર્યા હતા.અને રાજસ્થાન રોયલ્સ 5 રને હારી ગઈ હતી.

પંજાબ કિંગ્સની બોલીંગઃપંજાબ કિંગ્સના બોલરોમાં સામ કયુરન 4 ઓવરમાં 44 રન, અર્શદીપસિંહ 4 ઓવરમાં 47 રન આપી બે વિકેટ ઝડપી હતી. હરપ્રિત બ્રાર 2 ઓવરમાં 15 રન, નાથન એલિસ 4 ઓવરમાં 30 રન આપી 4 વિકેટ ઝડપી હતી. રાહુલ ચહર 4 ઓવરમાં 31 રન અને સિકંદર રાઝા 2 ઓવરમાં 24 રન આપ્યા હતા.

પોઈન્ટ ટેબલ (Points Table )હાલ ગુજરાત ટાઈટન્સ 4 પોઈન્ટ સાથે ટોપ પર છે. બીજા નંબરે પંજાબ કિંગ્સ 4 પોઈન્ટ, ત્રીજા નંબરે રોયલ ચેલેન્જર્સ બેંગ્લોર 2 પોઈન્ટ, ચોથા નંબરે રાજસ્થાન રોયલ્સ 2 પોઈન્ટ અને પાંચમા નંબરે લખનઉ સુપર જાયન્ટ્સ 2 પોઈન્ટ તથા છઠ્ઠા નંબરે ચેન્નાઈ સુપર કિંગ્સ 2 પોઈન્ટ હતા. કોલક્તા નાઈટ રાઈડર્સ, દિલ્હી કેપિટલ્સ, મુંબઈ ઈન્ડિયન્સ અને સનરાઈઝર્સ હૈદરાબાદ એકપણ મેચ જીતી શક્યા નથી, જેથી પોઈન્ટ ટેબલમાં તેમને ઝીરો પોઈન્ટ છે.

IPL 2023ની 8મી મેચ આજે બરસાપારા ક્રિકેટ સ્ટેડિયમ ગુવાહાટી ખાતે રાજસ્થાન રોયલ્સ અને પંજાબ કિંગ્સ વચ્ચે રમાઈ રહી હતી. બરસાપારા આજે પ્રથમ વખત IPL મેચનું આયોજન કર્યું હતું.

આ પણ વાંચોઃIPL 2023: આકાશ ચોપરા કોરોના પોઝિટિવ, IPLમાં એની કોમેન્ટ્રી બંધ

KKCને સાત રનથી હરાવ્યુંઃ પંજાબ કિંગ્સ પણ રોયલ્સ જેટલું જ મજબૂત છે. આ વખતે ટીમની કમાન શિખર ધવનના હાથમાં છે. કિંગ્સની ટીમમાં અર્શદીપ સિંહ અને કાગિસો રબાડા જેવા ખતરનાક બોલર છે. છેલ્લી મેચમાં પંજાબ કિંગ્સે કોલકાતા નાઈટ રાઈડર્સને ડકવર્થ-લુઈસ પદ્ધતિ હેઠળ સાત રનથી હરાવ્યું હતું. ભાનુ રાજપક્ષે રાઇડર્સ સામે 32 બોલમાં 50 રનની ધમાકેદાર ઇનિંગ રમી હતી. શિખરે 29 બોલમાં 40 રન બનાવ્યા હતા. KKR તરફથી અર્શદીપ સિંહે ત્રણ વિકેટ ઝડપી હતી. સેમ કુરન, નાથમ એલિસ, રાહુલ ચહર અને સિકંદર રઝાએ 1-1 વિકેટ લીધી હતી.

રોયલ્સે પાંચમાંથી ચાર મેચ જીતીઃ IPL 2023માં આજે રાજસ્થાન અને પંજાબનો પ્રથમ મુકાબલો થશે. બંને વચ્ચેની છેલ્લી પાંચ મેચોમાં રોયલ્સનો દબદબો રહ્યો છે. રોયલ્સે પાંચમાંથી ચાર મેચ જીતી છે. પંજાબ માત્ર એક જ મેચ જીતી શક્યું હતું. IPL 2022માં મયંક અગ્રવાલ પંજાબનો કેપ્ટન હતો પરંતુ આ વખતે શિખર ધવન કિંગ્સની કમાન સંભાળી રહ્યો છે.

આ પણ વાંચોઃDC vs GT IPL 2023 : દિલ્હી સામે ગુજરાત ટાઈટન્સની ભવ્ય જીત, સાંઈ સુદર્શન 62 રન નોટ આઉટ

રાજસ્થાન રોયલ્સ ટીમઃ 1 યશસ્વી જયસ્વાલ, 2 જોસ બટલર, 3 સંજુ સેમસન (કેપ્ટન, wk), 4 દેવદત્ત પડિકલ, 5 શિમરોન હેટમાયર, 6 રિયાન પરાગ, 7 જેસન હોલ્ડર, 8 આર અશ્વિન, 9 ટ્રેન્ટ બોલ્ટ, 10 કિમી, આસિફ 11 યુઝવેન્દ્ર ચહલ.

પંજાબ કિંગ્સ ટીમઃ 1 પ્રભસિમરન સિંહ, 2 શિખર ધવન (કેપ્ટન), 3 ભાનુકા રાજપક્ષે, 4 જિતેશ શર્મા (વિકેટકીપર), 5 સિકંદર રઝા, 6 સેમ કુરાન, 7 એમ શાહરૂખ ખાન, 8 હરપ્રીત બ્રાર, 9 રાહુલ ચહર, 10 અર્શદીપ સિંઘ, 11 કાગીસો રબાડા.