નવી દિલ્હીઃ ઈન્ડિયન પ્રીમિયર લીગ 2023માં રમી રહેલા મુંબઈ ઈન્ડિયન્સના ડાબા હાથના બેટ્સમેન તિલક વર્મા પોતાની બેટિંગથી લોકોનું ધ્યાન પોતાની તરફ ખેંચી રહ્યા છે. લાગે છે કે, તે જલ્દી જ ટીમ ઈન્ડિયામાં પણ જોડાઈ શકે છે. હૈદરાબાદનો આ બેટ્સમેન આ સિઝનમાં પોતાની ટીમનો સૌથી વધુ રન બનાવનાર ખેલાડી બની ગયો છે. ઉપરાંત, તે પોતાની ટીમ માટે સૌથી વધુ છગ્ગા મારનાર ખેલાડી છે.
લોકોનું ધ્યાન ખેંચી રહ્યો છે: તિલક વર્મા આ સિઝનમાં અત્યાર સુધી મુંબઈ ઈન્ડિયન્સ માટે સૌથી વધુ રન બનાવનાર બેટ્સમેન છે. તિલક વર્માએ અત્યાર સુધી રમાયેલી પાંચ મેચોમાં પાંચ ઇનિંગ્સમાં કુલ 214 રન બનાવ્યા છે, જ્યારે તે એક વખત અણનમ રહ્યો હતો. આ દરમિયાન તેણે પોતાની ટીમ માટે 17 ચોગ્ગા અને સૌથી વધુ 14 છગ્ગા પણ ફટકાર્યા છે. તિલક વર્મા સતત મેચોમાં શાનદાર પ્રદર્શન કરીને લોકોનું ધ્યાન ખેંચી રહ્યો છે.
આ પણ વાંચો:IPL 2023 : સૌથી વધુ ચોગ્ગા મારનાર ખેલાડી એક પણ સિક્સર ફટકારી શક્યો નથી, આ છે 'સિક્સર કિંગ'