IPL 2023 : શાર્દુલ ઠાકુર ઓલરાઉન્ડર તરીકે પોતાની જાતને સ્થાપિત કરી રહ્યો છે, જાણો તેના રેકોર્ડ

ફાસ્ટ બોલર શાર્દુલ ઠાકુર ધીમે ધીમે ઓલરાઉન્ડર શાર્દુલ ઠાકુર બની રહ્યો છે. અગાઉ ઘણી વખત બેટિંગની શક્તિ બતાવનાર ઠાકુરે તેને કોલકાતા નાઈટ રાઈડર્સના ઓલરાઉન્ડર શાર્દુલ ઠાકુર તરીકે જોવાનું શરૂ કર્યું છે, કારણ કે તેણે આરસીબી સામે ધમાકેદાર ઈનિંગ રમી હતી.

નવી દિલ્હીઃ કોલકાતા નાઈટ રાઈડર્સનો ફાસ્ટ બોલર શાર્દુલ ઠાકુર ધીમે ધીમે ઓલરાઉન્ડર શાર્દુલ ઠાકુર તરીકે પોતાની ઓળખ બનાવી રહ્યો છે. ઈન્ડિયન પ્રીમિયર લીગ 2023માં તેણે અત્યાર સુધીની સૌથી ઝડપી અડધી સદી ફટકારીને જોસ બટલરના રેકોર્ડની બરાબરી કરી લીધી છે. ગુરુવારે KKR માટે મુશ્કેલીનિવારક બનેલા શાર્દુલે 7મા નંબરે બેટિંગ કરીને ટીમ માટે શાનદાર ઇનિંગ રમી અને રોયલ ચેલેન્જર્સ બેંગ્લોર સામે ઈડન ગાર્ડન્સમાં 20 બોલમાં 50 રન બનાવીને ઘણા અનુભવી બેટ્સમેન કરતાં આગળ નીકળી ગયો હતો.

ટીમ મુસીબતમાં હતીઃજો કે ઇન્ડિયન પ્રીમિયર લીગમાં શાર્દુલ ઠાકુરની પણ તે પ્રથમ અડધી સદી હતી. પરંતુ જે સમય અને રીતમાં આ અડધી સદી આવી છે તેના વખાણ થઈ રહ્યા છે અને કહેવામાં આવી રહ્યું છે કે, શાર્દુલ ઠાકુર હવે માત્ર ફાસ્ટ બોલર તરીકે જ નહીં પરંતુ એક સારા ઓલરાઉન્ડર તરીકે પોતાને સ્થાપિત કરવાનો પ્રયાસ કરી રહ્યો છે. જ્યારે કેકેઆરએ RCB સાથે રમાઈ રહેલી મેચમાં સતત બે બોલ પર રહેમાનુલ્લાહ ગુરબાઝ અને આન્દ્રે રસેલને ગુમાવ્યા હતા. ત્યાર બાદ શાર્દુલ ઠાકુરે ટીમ માટે ધમાકેદાર બેટિંગ કરી અને મેચમાં 29 બોલમાં 68 રન બનાવીને પોતાની બેટિંગનું કૌશલ્ય બતાવ્યું હતું.

આ પણ વાંચોઃIPL 2023 : મુંબઈ ઈન્ડિયન્સની ટીમમાં જોય રિચર્ડસનની જગ્યાએ રિલે મેરેડિથની વાપસી

આ રેકોર્ડ જોસ બટલરના નામે હતોઃ આ સિઝનમાં અત્યાર સુધીની સૌથી ઝડપી અડધી સદીનો રેકોર્ડ જોસ બટલરના નામે હતો. જેની શાર્દુલ ઠાકુરે બરાબરી કરી હતી. બટલરે રવિવારે સનરાઇઝર્સ હૈદરાબાદ સામે ધમાકેદાર અડધી સદી ફટકારીને ઝડપી બેટિંગનો નમૂનો રજૂ કર્યો હતો.

આ પણ વાંચોઃIPL 2023: આજે લખનઉમાં હૈદરાબાદ અને લખનઉ સુપર જાયન્ટસ વચ્ચે ટક્કર, જાણો આ સ્ટ્રેટજી

શાર્દુલ અને રિંકુ સિંહની ભાગીદારીઃમાઈકલ બ્રેસવેલે KKRના કેપ્ટન નીતીશ રાણાને 1 રને આઉટ કર્યા પછી, કર્ણ શર્માએ ગુરબાઝને તેની જાળમાં ફસાવી દીધો અને આન્દ્રે રસેલને ખાતું ખોલવા દીધું નહીં. આવી સ્થિતિમાં શાર્દુલ ઠાકુરની બેટિંગ અને રિંકુ સિંહ સાથેની ભાગીદારીનો ફાયદો નાઈટ રાઈડર્સને મળ્યો હતો.

ભારતની ઐતિહાસિક જીતમાં મહત્વની ભૂમિકાઃ શાર્દુલ ઠાકુરની બેટિંગ ક્ષમતા કોઈનાથી છુપાયેલી નથી. ઓસ્ટ્રેલિયા સામે બોર્ડર-ગાવસ્કર ટ્રોફીની ચોથી ટેસ્ટમાં તેણે વોશિંગ્ટન સુંદર સાથે મોટી ભાગીદારી કરી હતી. બ્રિસ્બેનની મુશ્કેલ પીચ પર તેણે શાનદાર 67 રન ફટકારીને ભારતની ઐતિહાસિક જીતમાં મહત્વની ભૂમિકા ભજવી હતી. તે જ વર્ષે, ઓવલ ખાતે ઈંગ્લેન્ડ સામે 57 અને 60 રન કરીને, તેણે તેની બેટિંગ કુશળતા દર્શાવી કે જ્યારે જરૂર પડે ત્યારે તે ટીમ માટે સારી બેટિંગ કરી શકે છે.