નવી દિલ્હી:IPLની 7મી મેચમાં ગુજરાત ટાઇટન્સે દિલ્હી કેપિટલ્સને 6 વિકેટે હરાવીને જીત મેળવી છે. આ મેચમાં ડેવિડ વોર્નરની કપ્તાનીમાં દિલ્હી કેપિટલ્સે પ્રથમ બેટિંગ કરતા ગુજરાતને 163 રનનો ટાર્ગેટ આપ્યો હતો. સાઈ સુરદશન અને ડેવિડ મિલરની તોફાની ઈનિંગ્સની મદદથી ગુજરાજે 18.1 ઓવરમાં 11 બોલમાં 4 વિકેટ ગુમાવીને પોતાનું લક્ષ્ય ખૂબ જ સરળતાથી હાંસલ કરી લીધું હતું. આ ઉપરાંત વિજય શંકરે પણ ગુજરાતને મજબૂત સ્કોર સુધી પહોંચાડવામાં મહત્વની ભૂમિકા ભજવી છે. સાઈ અને વિજયનો એક વીડિયો ઈન્ટરનેટ પર સામે આવ્યો છે. આમાં બંને ખેલાડીઓ મેચ વિનિંગ પોઈન્ટ વિશે વાત કરતા જોવા મળે છે.
મેચ વિનિંગ ઇનિંગ્સ: ઈન્ડિયન પ્રીમિયર લીગે તેના ટ્વિટર હેન્ડલ પરથી એક વીડિયો પોસ્ટ કર્યો છે. આ વીડિયોમાં ગુજરાત માટે મેચ વિનિંગ ઇનિંગ્સ રમનાર સાઈ સુદર્શન અને વિજય શંકર એકબીજા સાથે વાત કરતા જોવા મળે છે. આ બંને ખેલાડીઓ જણાવી રહ્યા છે કે કેવી રીતે હાર્દિક પંડ્યાના ગુજરાતે હારેલી મેચ જીતી. જ્યારે ગુજરાત ટાઇટન્સના બેટ્સમેનો પોતાનો ટાર્ગેટ પૂરો કરવા મેદાનમાં આવ્યા ત્યારે દિલ્હીના બોલરો તેમના પર પ્રભુત્વ જમાવતા જોવા મળ્યા હતા. સ્ટાર બેટ્સમેન શુભમન ગિલ અને કેપ્ટન હાર્દિક પંડ્યા પણ આ મેચમાં કંઈ કમાલ કરી શક્યા ન હતા. શુભમને 13 બોલમાં 14 અને હાર્દિકે 4 બોલમાં 5 રન બનાવ્યા હતા. જેના કારણે ગુજરાતની જીતની કોઈ આશા ન હતી.