દેહરાદુન:ભારતીય ક્રિકેટર ઋષભ પંતને (Indian cricketer Rishabh Pant) સારવાર માટે મુંબઈ મોકલવામાં આવ્યો છે. અત્યાર સુધી ઋષભ પંત દેહરાદૂનની મેક્સ હોસ્પિટલમાં દાખલ હતા. રિષભ છેલ્લા 6 દિવસથી દેહરાદૂનની હોસ્પિટલમાં દાખલ હતો. રિષભને દેહરાદૂનના જોલી ગ્રાન્ટ એરપોર્ટ પરથી એરલિફ્ટ કરવામાં આવ્યો(rishabh pant airlifted from dehradun) છે. આ પહેલા DDCA એટલે કે દિલ્હી ડિસ્ટ્રિક્ટ ક્રિકેટ એસોસિએશને ટ્વીટ કરીને જાણકારી આપી હતી કે રિષભ પંતને આજે જ વધુ સારવાર માટે મુંબઈ ખસેડવામાં આવશે.
આ અકસ્માત 30 ડિસેમ્બરે થયો હતો: 30 ડિસેમ્બરના રોજ, ભારતીય ક્રિકેટર અને ઉત્તરાખંડના બ્રાન્ડ એમ્બેસેડર રિષભ પંતને રૂરકીની નરસન બોર્ડર પર માર્ગ અકસ્માત બાદ સારવાર માટે દેહરાદૂનની મેક્સ હોસ્પિટલમાં દાખલ કરવામાં આવ્યા હતા. ત્યારથી મેક્સ હોસ્પિટલમાં 5 ડોક્ટરોની ટીમ રિષભ પંતની સારવાર કરી રહી હતી. રિષભ પંતને સારવાર દરમિયાન ICUમાં ખસેડવામાં આવ્યો હતો. ત્યાં તેની પ્લાસ્ટિક સર્જરી પણ કરવામાં આવી હતી. જેથી ICU બાદ ખાનગી વોર્ડમાં ખસેડવામાં આવ્યો હતો. ડોકટરોની સતત દેખરેખ હેઠળ તેની સારવાર ચાલુ રહી હતી.
આ પણ વાંચો:તો આ કારણે થયો ઋષભ પંતની કારનો અકસ્માત, મર્સિડીઝ સ્વાહા
BCCI અને DDCA ઋષભના સ્વાસ્થ્ય પર નજર રાખી રહ્યા છે: BCCI અને DDCAની ટીમ પણ આ રિષભ પંતના સ્વાસ્થ્ય પર સતત નજર રાખી રહી છે. થોડા દિવસો પહેલા ડીડીસીએની ટીમ મેક્સ હોસ્પિટલ પહોંચી હતી. ટીમે ઋષભ પંતની સારવાર કરી રહેલા ડૉક્ટરો સાથે વાત કર્યા બાદ તમામ માહિતી પણ લીધી હતી. જોકે, તે દરમિયાન રિષભ પંતને અન્યત્ર ખસેડવામાં આવ્યો હોવાની ચર્ચાઓ જોરમાં હતી. હવે રિષભ પંતની હાલત એકદમ સામાન્ય થઈ ગઈ છે. આવી સ્થિતિમાં તેને સારવાર માટે મુંબઈની લીલાવતી હોસ્પિટલમાં ખસેડવામાં આવી રહ્યો છે.
આ પણ વાંચો:PM મોદીએ ઋષભ પંતની માતાને ફોન કરીને ખબર પુછ્યાં, શક્ય તમામ મદદનું આશ્વાસન આપ્યું
ઋષભ પંતને એરલિફ્ટ કરીને મુંબઈ લઈ જવામાં આવ્યો:જોકે, ઋષભ પંતને મેક્સ હોસ્પિટલમાંથી રજા આપ્યા બાદ એમ્બ્યુલન્સ મારફતે જોલી ગ્રાન્ટ એરપોર્ટ પર લઈ જવામાં આવ્યો હતો. ત્યાંથી ઋષભ પંતને એરલિફ્ટ કરીને મુંબઈ લઈ જવામાં આવ્યો છે. ઋષભ પંતની સાથે તેના પરિવારના સભ્યો પણ હાજર છે. વાસ્તવમાં, મેક્સ હોસ્પિટલમાં ચાલી રહેલી રિષભ પંતની સારવાર દરમિયાન, BCCIએ સ્પષ્ટ કર્યું હતું કે જો રિષભ પંતને સારી સારવાર માટે વિદેશ મોકલવો પડશે તો તે પણ કરવામાં આવશે. હાલમાં ઋષભ પંતની સામાન્ય સ્થિતિને જોતા તેને મુંબઈની લીલાવતી હોસ્પિટલમાં ખસેડવામાં આવી રહ્યો છે.
