નવી દિલ્હીઃ જિયો-સિનેમાએ દર્શકોની સંખ્યાનો પોતાનો જ રેકોર્ડ તોડ્યો છે. જિયો-સિનેમા પર ચેન્નાઈ સુપર કિંગ્સ વિ રોયલ ચેલેન્જર્સ બેંગ્લોર (RCB) મેચ દરમિયાન દર્શકોની સંખ્યા 24 મિલિયનને વટાવી ગઈ છે. ઓનલાઈન લાઈવ સ્ટ્રીમિંગ પ્લેટફોર્મ Jio-Cinema પર વર્તમાન IPL 2023 સીઝનમાં, આ અત્યાર સુધીની સૌથી વધુ વ્યુઅરશિપ છે. આ પહેલા 12 એપ્રિલે દર્શકોની સંખ્યા 22 મિલિયન સુધી પહોંચી હતી. મેચની બીજી ઈનિંગની છેલ્લી ઓવરમાં જિયો-સિનેમાના દર્શકોની સંખ્યા 24 મિલિયન સુધી પહોંચી ગઈ હતી. ચેન્નાઈએ આ રોમાંચક મેચ 8 રને જીતી લીધી હતી.
આ પણ વાંચો:BCCI Take Action On Virat Kohli : BCCIએ કિંગ કોહલી પર ફટકાર્યો દંડ, IPLના નિયમનું કર્યુ હતું ઉલ્લંઘન
Jio-Cinema IPL મેચોને ફ્રીમાં સ્ટ્રીમ કરી રહ્યું છે:બીસીસીઆઈએ ટાટા આઈપીએલ સિઝન 2023ના ટીવી અને ડિજિટલ પ્રસારણ અધિકારો અલગ-અલગ કંપનીઓને આપી દીધા છે. ડિજિટલને તેનો સીધો ફાયદો જોવા મળી રહ્યો છે. Jio-Cinema IPL મેચોને ફ્રીમાં સ્ટ્રીમ કરી રહ્યું છે. આનાથી પણ આઈપીએલના પ્રેક્ષકોમાં તેનો પ્રવેશ થયો છે. 2.4 કરોડ દર્શકોની સંખ્યા કેટલી મોટી છે તેનો અંદાજ એ વાત પરથી લગાવી શકાય છે કે 2019ની સિઝનની ફાઇનલ મેચ દરમિયાન સૌથી વધુ દર્શકોની સંખ્યા ડિઝની હોટસ્ટાર પર 1.86 કરોડ નોંધાઈ હતી. IPL હજુ તેના લીગ તબક્કામાં છે અને અત્યાર સુધીમાં Jio-Cinemaએ અગાઉના તમામ રેકોર્ડ પોતાના નામે કરી લીધા છે. જેમ જેમ આઈપીએલ ફાઈનલ તરફ આગળ વધી રહી છે તેમ તેમ Jio-સિનેમાના દર્શકોની સંખ્યામાં વધુ વધારો થઈ શકે છે.
આ પણ વાંચો:Sachin Tendulkar React : સચિને મુંબઈ ઈન્ડિયન્સની જીત અને પુત્રની બોલિંગ પર ખુશ થઈ કર્યુ આ ટ્વીટ
દરરોજ લાખો નવા દર્શકો IPL સાથે જોડાઈ રહ્યા છે:કંપનીનો દાવો છે કે, તેની સ્ટ્રીમિંગ એપ દ્વારા દરરોજ લાખો નવા દર્શકો IPL સાથે જોડાઈ રહ્યા છે. Jio-Cinema દર્શકોની સંખ્યાની સાથે પ્રાયોજકો અને જાહેરાતકારોના સંદર્ભમાં પણ રેકોર્ડ બનાવી રહ્યું છે. દેશ અને વિશ્વની ટોચની બ્રાન્ડ્સ Jio-Cinema પર જાહેરાત કરી રહી છે. ટીવીને પાછળ છોડીને, જિયો-સિનેમાએ પણ 23 મોટા પ્રાયોજકોને જોડ્યા છે.
