નવી દિલ્હી:ભારતીય ક્રિકેટ કંટ્રોલ બોર્ડના (BCCI) ટીમ સિલેક્ટરોએ મંગળવારે મોડી સાંજે શ્રીલંકા સામે રમાનારી 3 મેચની T20 શ્રેણી (Indian Team Selection For T20) માટે ટીમની જાહેરાત કરી. ભારતીય ક્રિકેટ કંટ્રોલ બોર્ડની (Indian Team Selection For One day and t20 Series) આ જાહેરાતમાં પસંદગીકારોએ ઋષભ પંત, ભુવનેશ્વર કુમાર, રોહિત શર્મા, વિરાટ કોહલી, કેએલ રાહુલ જેવા ઘણા દિગ્ગજ ખેલાડીઓને અલગ-અલગ કારણોસર બહાર કરી દીધા છે.
ઈશાન કિશનને સારા પ્રદર્શનનું ઈનામ: આ સિરીઝમાં હાર્દિક પંડ્યાને પ્રમોટ કરવામાં આવ્યો છે. સુકાની અને સૂર્યકુમાર યાદવ ઉપ-કેપ્ટન છે. પંતે બાંગ્લાદેશ સામે હાલમાં જ સમાપ્ત થયેલ ટેસ્ટ સિરીઝમાં બેટથી શાનદાર પ્રદર્શન કર્યું હતું, પરંતુ તે ODI અને T20 મેચમાં કંઈ ખાસ કરી શક્યો નહોતો. એટલા માટે પસંદગીકારોએ ઈશાન કિશનને વિકેટ કીપર બેટ્સમેન તરીકે પસંદ કરીને સારા પ્રદર્શનનું ઈનામ આપ્યું છે.
રોહિત શર્મા તાજેતરના સમયમાં અંગૂઠાની ઈજાથી ઝઝૂમી રહ્યો છે:આ સાથે હાર્દિક પંડ્યાને વાઇસ કેપ્ટન બનાવવામાં આવ્યો છે જ્યારે ટીમના અનુભવી કેપ્ટન રોહિત શર્માને આવતા મહિને શ્રીલંકા સામેની વનડે શ્રેણી દરમિયાન ઈજામાંથી પરત ફરવાની તક આપવામાં આવી છે. રોહિત શર્મા તાજેતરના સમયમાં અંગૂઠાની ઈજાથી ઝઝૂમી રહ્યો છે અને વ્યસ્ત આગામી સમયપત્રક પહેલા બાંગ્લાદેશમાં ભારતની બે મેચની ટેસ્ટ શ્રેણીમાંથી બહાર થઈ ગયો હતો.
ભારત શ્રીલંકાની 3 ટી-20 અને 3 વનડે મેચોની યજમાની કરી રહ્યું છે:નવા વર્ષની શરૂઆતમાં ભારત શ્રીલંકા સામે 3 ટી-20 અને ત્રણ વનડે શ્રેણી રમવા જઈ રહ્યું છે. સફેદ બોલની આ સ્પર્ધામાં ભારતે અગાઉની શ્રેણીની હાર ભૂલીને શાનદાર પ્રદર્શન કરવું પડશે. એટલા માટે ભારત શ્રીલંકાની 3 ટી-20 અને 3 વનડે મેચોની યજમાની કરી રહ્યું છે. હવે રોહિત શર્મા પર હાર્દિક પંડ્યા સામે તેની કેપ્ટનશીપની ક્ષમતા સાબિત કરવાની સાથે સાથે વર્ષની શરૂઆત જીત સાથે કરવાનું દબાણ રહેશે.