Fastest Century Indian To Get Thousand: શુભમન ગિલે આ રેકોર્ડ બનાવી PAK ખેલાડીને પાછાડ્યો
ભારતીય ટીમ ઘરઆંગણે ન્યુઝીલેન્ડ સામે ત્રણ મેચની વનડે શ્રેણી રમી રહી છે. શુભમન ગિલે શાનદાર રમત બતાવીને પોતાની બેવડી સદી પૂરી કરી છે. ગિલ બેવડી સદી ફટકારનાર પાંચમો ભારતીય ખેલાડી છે. ગિલની આ ઇનિંગના કારણે ભારતીય ટીમ દ્વારા ન્યુઝીલેન્ડને 350 રનનો ટાર્ગેટ આપવામાં આવ્યો છે. જો કે આ સાથે જ શુભમન ગિલે એક અદભૂત રેકોર્ડ પણ પોતાને નામ કર્યો છે.
shubman gill fastest century indian to get thousand
By
Published : Jan 18, 2023, 6:39 PM IST
હૈદરાબાદ :શુભમન ગિલે હૈદરાબાદ વનડેમાં શાનદાર પ્રદર્શન કર્યું છે. ગિલે 208 રનની ઇનિંગ રમી હતી. વન-ડે ઈન્ટરનેશનલમાં બેવડી સદી ફટકારનાર ગિલ પાંચમો ભારતીય બેટ્સમેન છે. ગિલે 208 રનની ઈનિંગમાં 19 ચોગ્ગા અને 9 છગ્ગા ફટકાર્યા હતા. ગિલની આ ઇનિંગને કારણે ભારતે 50 ઓવરમાં આઠ વિકેટે 349 રન બનાવ્યા હતા. આ સાથે જ ગિલ હવે સૌથી ઝડપી હજાર રન પૂરા કરનાર ભારતીય બેટ્સમેન છે.
બુધવારે હૈદરાબાદમાં તેની તોફાની ઇનિંગ્સ દરમિયાન શુભમન ગિલે ODI ક્રિકેટમાં તેના હજાર રન પૂરા કર્યા. 23 વર્ષના શુભમન ગિલે માત્ર 19મી ઇનિંગમાં હજાર રન પૂરા કર્યા છે. ગિલ હવે સંયુક્ત રીતે સૌથી નાની ઇનિંગ્સમાં હજાર રન બનાવનાર વિશ્વનો બીજો બેટ્સમેન બની ગયો છે. ગિલે પાકિસ્તાનના કેપ્ટન બાબર આઝમને પણ પાછળ છોડી દીધો છે. બાબર આઝમે 21 ઇનિંગ્સમાં પોતાના હજાર રન પૂરા કર્યા હતા.
ધવનની ટીમમાં વાપસી ખૂબ જ મુશ્કેલ:શુભમન ગિલ જે રીતે બેટિંગ કરી રહ્યો છે તેના કારણે હવે શિખર ધવનની ટીમમાં વાપસી ખૂબ જ મુશ્કેલ બની ગઈ છે. ગીલને ODI ક્રિકેટમાં ટીમ ઈન્ડિયાની રન-મશીન કહેવી અયોગ્ય નથી. ગિલે અત્યાર સુધી 19 ઇનિંગ્સમાં હજારથી વધુ રન બનાવ્યા છે. આ દરમિયાન તેના બેટમાંથી ત્રણ સદી અને પાંચ અડધી સદી નીકળી છે, જેમાં એક બેવડી સદી પણ સામેલ છે. એટલે કે આ 19 ઇનિંગ્સમાં ગિલે ચોક્કસપણે સાત વખત 50 રનના આંકડાને સ્પર્શ કર્યો છે.
ફખર ઝમાનના નામે રેકોર્ડ:તમને જણાવી દઈએ કે, વન ડે ઈન્ટરનેશનલમાં સૌથી ઓછી ઈનિંગમાં હજાર રન પૂરા કરવાનો રેકોર્ડ પાકિસ્તાનના ફખર ઝમાનના નામે છે. ફખર ઝમાને 18 ઇનિંગ્સમાં હજાર રન પૂરા કર્યા હતા. ગિલ હવે સૌથી ઝડપી હજાર રન પૂરા કરનાર ભારતીય બેટ્સમેન છે. ગિલે આ મામલે વિરાટ કોહલીને પાછળ છોડી દીધો છે. વિરાટ કોહલીએ 24 ઇનિંગ્સમાં હજાર રન પૂરા કર્યા હતા. ODI ઈન્ટરનેશનલની પ્રથમ 19 ઈનિંગમાં શુભમન ગિલની આ ત્રીજી સદી હતી. ભારતીય ખેલાડીઓમાં, માત્ર શિખર ધવન (17) ગિલ કરતાં ઓછી ઇનિંગ્સમાં તેની ત્રીજી ODI સદી પૂરી કરી હતી.
શાનદાર બેવડી સદી :શુભમન ગિલે ન્યૂઝીલેન્ડ સામેની પ્રથમ વનડેમાં શાનદાર બેવડી સદી ફટકારી હતી. શુબમન ગિલની વનડેમાં આ સતત બીજી સદી છે. આ પહેલા ગિલે શ્રીલંકા સામેની ત્રીજી વનડેમાં પણ સદી ફટકારી હતી. શબમન ગિલે પણ આ ઇનિંગ દરમિયાન ODI ક્રિકેટમાં પોતાના હજાર રન પૂરા કર્યા.
ભારત અને ન્યુઝીલેન્ડ વચ્ચે ત્રણ મેચની વનડેસીરીઝની પ્રથમ મેચમાં ભારતીય ઓપનર શુભમન ગિલ જોવા મળ્યો હતો. ગિલે કિવી બોલરોને જોરદાર રીતે તોડી નાખ્યા અને શાનદાર બેવડી સદી ફટકારી. ગિલે તેની સદી 87 બોલમાં પૂરી કરી હતી, જેમાં 14 ચોગ્ગા અને બે છગ્ગાનો સમાવેશ થાય છે. આ પછી તેણે 145 બોલમાં બેવડી સદી ફટકારી હતી. ગીલની વનડે કારકિર્દીની આ ત્રીજી અને સતત બીજી સદી હતી. ગિલ આખરે 149 બોલમાં 208 રન બનાવીને આઉટ થયો, જેમાં 19 ચોગ્ગા અને 9 છગ્ગાનો સમાવેશ થાય છે.
શુભમન ગિલની 50+ ઇનિંગ્સ
ન્યુઝીલેન્ડ વિરુદ્ધ બેવડી સદી, 2023
116 રન વિ શ્રીલંકા, 2023
130 રન વિ ઝિમ્બાબ્વે, 2022
98* રન વિ વિન્ડીઝ, 2022
82* રન વિ ઝિમ્બાબ્વે, 2022
70 રન વિ શ્રીલંકા, 2023
64 રન વિ વિન્ડીઝ, 2022
50 રન વિ ન્યુઝીલેન્ડ, 2022લાઈવ
બેવડી સદી ફટકારનાર સૌથી યુવા ખેલાડી
બેટ્સમેન
વય
વિરોધી ટીમ
વર્ષ
શુભમન ગિલ
23 વર્ષ 132 દિવસ
ન્યુઝીલેન્ડ
2023
ઇશાન કિશન
24 વર્ષ 145 દિવસ
બાંગ્લાદેશ
2022
રોહિત શર્મા
26 વર્ષ 186 દિવસ
ઓસ્ટ્રેલિયા
2013
આ સિવાય ગિલ વનડેમાં 1000 રન બનાવનાર સૌથી યુવા ભારતીય બેટ્સમેન પણ બની ગયો છે. આ પહેલા આ રેકોર્ડ વિરાટ કોહલી અને શિખર ધવનના નામે હતો. આ બંને ખેલાડીઓએ 24 ઇનિંગ્સમાં એક હજાર વનડે રન બનાવ્યા હતા. શુભમન ગિલે માત્ર 19 ODI ઇનિંગ્સમાં એક હજાર રન પૂરા કર્યા છે.
