નવી દિલ્હીઃ ભારતીય ટીમે બાર્બાડોસના કેન્સિંગ્ટન ઓવલ ક્રિકેટ સ્ટેડિયમમાં વેસ્ટ ઈન્ડિઝમાં રમાનારી ટેસ્ટ શ્રેણી માટે તૈયારીઓ શરૂ કરી દીધી છે. ટીમ ઈન્ડિયા આ મેદાન પર પ્રેક્ટિસ મેચ રમી રહી છે. આ દરમિયાન ટીમ ઈન્ડિયાનો એક વીડિયો સોશિયલ મીડિયા પર વાયરલ થઈ રહ્યો છે. જેમાં ટીમ ઈન્ડિયાના કેપ્ટન રોહિત શર્મા, સ્ટાર બેટ્સમેન વિરાટ કોહલી અને શુભમન ગિલ કોચ રાહુલ દ્રવિડ સાથે વેસ્ટ ઈન્ડિઝના પૂર્વ ખેલાડીને મળતા જોવા મળી રહ્યા છે. ભારત અને વેસ્ટ ઈન્ડિઝ વચ્ચે 12 જુલાઈથી ટેસ્ટ સિરીઝ શરૂ થશે.
ક્રિકેટ ચાહકોને આ વીડિયો ખૂબ જ પસંદ આવી રહ્યો છે:ભારતીય ક્રિકેટ કંટ્રોલ બોર્ડે તેના સત્તાવાર ટ્વિટર હેન્ડલ પરથી એક વીડિયો ટ્વિટ કર્યો છે. જેમાં ટીમ ઈન્ડિયાના ખેલાડીઓ સ્ટેડિયમમાં વેસ્ટ ઈન્ડિઝના પૂર્વ ક્રિકેટર અને દિગ્ગજ ખેલાડી ગેરી સોબર્સ સાથે મુલાકાત કરતા જોવા મળે છે. ગેરી સોબર્સ સાથે તેની પત્ની પણ હાજર છે. ટીમ ઈન્ડિયાના કોચ રાહુલ દ્રવિડ, કેપ્ટન રોહિત શર્મા, વિરાટ કોહલી, રવિચંદ્રન અશ્વિન અને શુભમન ગિલ સ્ટેડિયમમાં વીડિયોમાં ગેરી રોબર્સ અને તેની પત્ની સાથે હાથ મિલાવતા જોવા મળે છે. તે જ સમયે જ્યારે રાહુલ દ્રવિડે ગેરીના ખભા પર હાથ મૂક્યો ત્યારે કોહલી ગેરીને મળીને ઘણો ખુશ દેખાઈ રહ્યો હતો. BCCIના ટ્વિટર હેન્ડલ પર અત્યાર સુધીમાં આ વીડિયોને 23 હજારથી વધુ લાઈક્સ મળી ચૂક્યા છે અને 42 હજારથી વધુ લોકોએ તેને જોયો છે. ક્રિકેટ ચાહકોને આ વીડિયો ખૂબ જ પસંદ આવી રહ્યો છે.