કેપટાઉન: ભારતીય મહિલા ટીમ T20 વર્લ્ડ કપ ટૂર્નામેન્ટમાં ગ્રુપ Bમાં છે. બુધવાર, 15 ફેબ્રુઆરી, સાંજે 6.30 કલાકે કેપટાઉનના ન્યુલેન્ડ્સ મેદાન પર ટીમ ઈન્ડિયા અને વેસ્ટ ઈન્ડિઝ વચ્ચે ટક્કરનો મુકાબલો જોવા મળશે. આ ટૂર્નામેન્ટમાં ટીમ ઈન્ડિયાએ પોતાની પ્રથમ મેચમાં પાકિસ્તાનને 7 વિકેટે હરાવ્યું હતું. આ રીતે ભારતીય ટીમે મહિલા ટી20 ઈવેન્ટમાં શાનદાર શરૂઆત કરી છે.
ભારતનું પલડું ભારે:ટીમ ઈન્ડિયા T20 ઈન્ટરનેશનલ રેન્કિંગમાં વેસ્ટ ઈન્ડિઝ કરતા આગળ છે. ટીમ ઈન્ડિયા અને વેસ્ટ ઈન્ડિઝ વચ્ચે અત્યાર સુધીમાં 20 T20 ઈન્ટરનેશનલ મેચ રમાઈ છે. આમાં સૌથી મોટી વાત એ છે કે, ભારતીય મહિલા ટીમે આ 20 મેચમાંથી 12 મેચ જીતી છે. તે જ સમયે, વેસ્ટ ઈન્ડિઝની ટીમ 20 મેચમાંથી માત્ર 8 જ જીતી શકી છે. આનાથી સ્પષ્ટ થાય છે કે ટીમ ઈન્ડિયાનો દબદબો છે અને 15 ફેબ્રુઆરીએ યોજાનારી મેચમાં ભારતનો મુકાબલો વેસ્ટ ઈન્ડિઝ સાથે થઈ શકે છે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્કની વિવિધ ચેનલો પર ઉપલબ્ધ રહેશે. આ સાથે, તમે ડિઝની + હોટ સ્ટાર એપ્લિકેશન પર પણ લાઇવ સ્ટ્રીમિંગ જોઈ શકશો.
આ પણ વાંચો:India Beat Pakistan: સચિન, વિરાટને મહિલા ટીમની જીત પર ગર્વ, ટ્વિટ કરી અભિનંદન પાઠવ્યા