Cricket World Cup 2023 : ટ્રેવિસ હેડે પોતાની વર્લ્ડ કપની ડેબ્યુ મેચમાં શાનદાર સદી ફટકારીને આ રેકોર્ડ બનાવ્યો

આજે ટ્રેવિસ હેડની વર્લ્ડ કપ ડેબ્યૂ મેચ ઓસ્ટ્રેલિયા વિ ન્યુઝીલેન્ડની મેચમાં હતી. તેણે પોતાની ડેબ્યૂ મેચમાં જ શાનદાર સદી ફટકારી છે. આ સદી સાથે તેણે એક રેકોર્ડ પણ બનાવ્યો છે.

ધર્મશાલા: ઓસ્ટ્રેલિયા અને ન્યૂઝીલેન્ડ વચ્ચે રમાઈ રહેલા વર્લ્ડ કપ 2023ની 27મી લીગ મેચમાં ઓસ્ટ્રેલિયાએ ખતરનાક શરૂઆત કરી હતી. ઓસ્ટ્રેલિયાના બેટ્સમેનો શરૂઆતથી જ ન્યૂઝીલેન્ડના બોલરો પર ખૂબ જ આક્રમક દેખાતા હતા. અને તેણે માત્ર 15 ઓવરમાં 150 રન બનાવ્યા. પોતાની પ્રથમ વર્લ્ડ કપ મેચ રમી રહેલા ટ્રેવિસ હેડે ડેવિડ વોર્નર સાથે 150 રનની શાનદાર ભાગીદારી કરી હતી. હેડે પોતાની ડેબ્યૂ મેચમાં બે નવા રેકોર્ડ બનાવ્યા છે.

ટ્રેવિસ હેડ વર્લ્ડ કપ 2023માં સૌથી ઝડપી અડધી સદી ફટકારનાર સંયુક્ત નંબર-1 બેટ્સમેન બની ગયો છે. તેણે 25 બોલમાં 50 રન બનાવ્યા હતા. તેની પહેલા શ્રીલંકાના કુસલ મેન્ડિસે 25 બોલમાં 50 રન બનાવ્યા હતા. તેમજ ટ્રેવિસ હેડ પોતાની ડેબ્યુ મેચમાં સૌથી ઝડપી સદી ફટકારનાર બેટ્સમેન બની ગયો છે. તેણે 59 બોલમાં પોતાના 100 રન પૂરા કર્યા. જેમાં તેણે 10 ફોર અને 7 સિક્સર ફટકારી હતી. જોકે હેડ સદી ફટકાર્યા બાદ 109 રન પર આઉટ થયો હતો.

ઓસ્ટ્રેલિયા વિરુદ્ધની મેચમાં ન્યૂઝીલેન્ડ પ્રથમ બેટિંગ કરવા આવ્યું હતું. ઓસ્ટ્રેલિયાએ ન્યૂઝીલેન્ડને 388 રનનો ટાર્ગેટ આપ્યો હતો. એક સમયે એવું લાગતું હતું કે ઓસ્ટ્રેલિયા 400થી વધુ રન બનાવશે. કારણ કે શરૂઆતથી જ ઓસ્ટ્રેલિયા 10 રન પ્રતિ ઓવરની એવરેજથી રન બનાવી રહ્યું હતું. વોર્નર અને હેડની વિકેટ પડ્યા બાદ ઓસ્ટ્રેલિયાનો રન રેટ થોડો અંકુશમાં આવી ગયો હતો. જે બાદ ન્યૂઝીલેન્ડના બોલરોએ મેચમાં ધમાકેદાર વાપસી કરી અને ઓસ્ટ્રેલિયાને 49.2 ઓવરમાં 388 રનના સ્કોર પર ઓલઆઉટ કરી દીધું.