હૈદરાબાદ: ઇન્ટરનેશનલ ક્રિકેટ કાઉન્સિલ (ICC) બુધવારે રામોજી ફિલ્મ સિટી ખાતે ગ્રુપના કર્મચારીઓ માટે ICC મેન્સ ક્રિકેટ વર્લ્ડ કપ 2023ની ટ્રોફી પ્રદર્શિત કરશે. બુધવારે સાંજે પ્રતિષ્ઠિત રામોજી ફિલ્મ સિટી સંકુલના કેરમ ગાર્ડનમાં ટ્રોફી પ્રદર્શિત કરવામાં આવશે.
ICC ટ્રોફીને કોણ સ્પર્શી શકે? :ICC ટ્રોફી મેનેજમેન્ટ પ્રોટોકોલ જણાવે છે કે વ્યક્તિઓના માત્ર અમુક જૂથને જ ફોટોગ્રાફ્સ માટે ટ્રોફીને સ્પર્શ કરવાની અથવા ઉપાડવાની મંજૂરી છે. તેથી માત્ર ICC મેન્સ ક્રિકેટ વર્લ્ડ કપ જીતનાર ખેલાડીઓ, વર્તમાન આંતરરાષ્ટ્રીય ખેલાડીઓ અને ICC મેન્સ ક્રિકેટ વર્લ્ડ કપ અથવા સંબંધિત ક્વોલિફાઈંગ ઈવેન્ટ્સમાં ભાગ લઈ રહેલા ખેલાડીઓ જ ટ્રોફીને સ્પર્શ કરી શકે છે અથવા ઉપાડી શકે છે.
મૂળ ટ્રોફી કોને મળે છે?: ICC મેન્સ ક્રિકેટ વર્લ્ડ કપ ટ્રોફી વૈશ્વિક ક્રિકેટ માટે એક વારસો છે. ICC પાસે આના પર સંપૂર્ણ સત્તા છે. વિજેતાઓને માત્ર ટ્રોફીની પ્રતિકૃતિ આપવામાં આવે છે, જ્યારે મૂળ ટ્રોફીમાં વિજેતાઓના નામ હોય છે.
કેવી દેખાય છે?: આ ટ્રોફી લંડનમાં ક્રાઉન જ્વેલર્સ ગેરાર્ડ દ્વારા ડિઝાઇન કરવામાં આવી છે. સિલ્વર-ગિલ્ટથી બનેલી 60 સેમી ઉંચી ટ્રોફીમાં ત્રણ ચાંદીના સ્તંભોથી સુવર્ણ ગ્લોબ દેખાય છે. જેને સ્ટાઇલિશ ક્રિકેટ બોલના રૂપમાં બનાવવામાં આવ્યો છે. જ્યારે સ્તંભો, સ્ટમ્પ અને બેઈલ તરીકે સ્ટાઈલ કરવામાં આવે છે, તે રમતના ત્રણ આવશ્યક આધારસ્તંભ - બેટિંગ, બોલિંગ અને ફિલ્ડિંગનું પ્રતિનિધિત્વ કરે છે.
કેટલો ખર્ચ થયો? :ICC પાસેથી મળેલી માહિતી મુજબ ટ્રોફીની કિંમત 30 લાખ રૂપિયાથી વધુ છે. તેનું વજન લગભગ 11 કિલો છે. ટ્રોફીને પ્લેટોનિક પરિમાણમાં ડિઝાઇન કરવામાં આવી છે જેથી તેની વિશિષ્ટતા અને ત્વરિત ઓળખ સુનિશ્ચિત થાય, પછી ભલે તે ગમે તે ખૂણાથી જોવામાં આવે. વર્તમાન ટ્રોફી પ્રથમ ICC મેન્સ ક્રિકેટ વર્લ્ડ કપ 1999 માટે ડિઝાઇન કરવામાં આવી હતી. મેન્સ ક્રિકેટ વર્લ્ડ કપ જીતનાર ટીમનું નામ ટ્રોફીના તળિયે નિર્ધારિત સ્થાન પર લખવામાં આવે છે.
ICCએ ટ્રોફી કેવી રીતે લોન્ચ કરી? : ટ્રોફીના લોન્ચિંગને અદભૂત બનાવવા ICC એ પ્રતિષ્ઠિત ટ્રોફીને અનકાશમાં લોન્ચ કરી. અમદાવાદના નરેન્દ્ર મોદી ક્રિકેટ સ્ટેડિયમમાં ઉતરાણ કરતા પહેલા -65 ડિગ્રી સેલ્સિયસ તાપમાને પૃથ્વીના વાતાવરણના 99.5 ટકાથી ઉપર ટ્રોફી પૃથ્વીથી 1,20,000 ફૂટ ઉપર તરતી હતી.
ટ્રોફીનો અત્યાર સુધીનો પ્રવાસઃ ટ્રોફી લોન્ચ થયા બાદ ટ્રોફીએ કુવૈત, બહેરીન, મલેશિયા, યુએસએ, નાઈજીરીયા, યુગાન્ડા, ફ્રાન્સ, ઈટાલી સહિત 18 દેશોની મુલાકાત લીધી હતી. ભારત પરત ફરતા પહેલા તેને અમેરિકા પણ લઈ જવામાં આવી હતી. ટ્રોફી પ્રવાસ, જે 27 જૂને ભારતથી વિદેશમાં શરૂ થયો હતો. ટ્રોફી 4 સપ્ટેમ્બરે ભારતમાં પાછો ફરી હતી.
ICC વર્લ્ડ કપ 5 ઓક્ટોબરથી શરૂ થશે:ઓક્ટોબર-નવેમ્બરમાં ભારતમાં 46 દિવસ માટે ODI વર્લ્ડ કપની મેચો શરૂ થશે. જેમાં 48 મેચો રમાશે. પહેલી મેચ 5 ઓક્ટોબરે ઈંગ્લેન્ડ અને ન્યૂઝીલેન્ડ વચ્ચે હૈદરાબાદમાં રમાશે. ભારત પોતાની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમશે. ફાઈનલ મેચ 19 નવેમ્બરે અમદાવાદમાં રમાશે.
- IND vs AUS ODI Series: ઓસ્ટ્રેલિયા સામે ભારતીય ટીમની જાહેરાત, અશ્વિનની ટીમમાં વાપસી
- Yuvraj Singh Record: આજથી 16 વર્ષ પહેલા યુવરાજે રચ્યો હતો ઈતિહાસ, જે લોકો આજે પણ ભૂલ્યા નથી
