ICCએ શ્રીલંકાને આંતરરાષ્ટ્રીય સ્તરે રમવાની પરવાનગી આપી, લંકાએ U19 વર્લ્ડ કપ 2024ની યજમાની ગુમાવી

ICC allows Sri Lanka to compete internationally: ICCએ સસ્પેન્ડ કરાયેલી શ્રીલંકાની ટીમને આંતરરાષ્ટ્રીય સ્તરે રમવાની મંજૂરી આપી છે. પરંતુ, U19 વર્લ્ડ કપ 2024ની યજમાની શ્રીલંકા પાસેથી છીનવીને દક્ષિણ આફ્રિકાને આપવામાં આવી છે.

દુબઈ:ઈન્ટરનેશનલ ક્રિકેટ કાઉન્સિલ (ICC) દ્વારા દેશની સભ્યપદ સસ્પેન્ડ કરવા છતાં શ્રીલંકાની ટીમો આંતરરાષ્ટ્રીય ઈવેન્ટ્સમાં ભાગ લેવાનું ચાલુ રાખી શકે છે. ICCએ મંગળવારે શ્રીલંકન ક્રિકેટના ભંડોળ પર નિયંત્રણ મેળવ્યું, શ્રીલંકાને દ્વિપક્ષીય શ્રેણી અને આઈસીસી ઇવેન્ટ બંનેમાં ભાગ લેવાની મંજૂરી આપી છે.

આ નિર્ણયો ICC દ્વારા લેવામાં આવ્યા: ઉપરાંત, ICC અંડર-19 મેન્સ ક્રિકેટ વર્લ્ડ કપ 2024નું સ્થળ બદલીને દક્ષિણ આફ્રિકા કરવામાં આવ્યું હતું. આ નિર્ણયો ઇન્ટરનેશનલ ક્રિકેટ કાઉન્સિલ (ICC) બોર્ડ દ્વારા લેવામાં આવ્યા હતા, જેણે મંગળવારે બેઠક કરી હતી અને શ્રીલંકા ક્રિકેટ (SLC) ના સસ્પેન્શનની શરતોની પુષ્ટિ કરી હતી.

ICC એ એક નિવેદનમાં જણાવ્યું હતું કે:SLC રજૂઆત સાંભળ્યા પછી, ICC બોર્ડે નિર્ણય લીધો કે, શ્રીલંકા દ્વિપક્ષીય ક્રિકેટ અને આઇસીસી બંને સ્પર્ધાઓમાં આંતરરાષ્ટ્રીય સ્તરે સ્પર્ધા કરવાનું ચાલુ રાખી શકે છે, તેણે તાજેતરમાં સભ્ય તરીકે તેની જવાબદારીઓ પૂર્ણ કરી છે,"

શા માટે શ્રીલંકા ક્રિકેટ બોર્ડને સસ્પેન્ડ કર્યુ હતું: ICCએ દેશની સરકાર દ્વારા રમતના સંચાલનમાં દખલગીરીને કારણે શ્રીલંકા ક્રિકેટની સભ્યપદ સસ્પેન્ડ કરી દીધી હતી. ICC બોર્ડની બેઠક 11 નવેમ્બરે થઈ હતી અને નિર્ણય લીધો હતો કે શ્રીલંકા ક્રિકેટ સભ્ય તરીકે તેની જવાબદારીઓનું ગંભીર ઉલ્લંઘન કરી રહ્યું છે.

શું હતો પુરો મામલો:શ્રીલંકાની સંસદે સર્વસંમતિથી શ્રીલંકા ક્રિકેટ (SLC) ના અધિકારીઓને દૂર કરવા માટે એક સંયુક્ત ઠરાવ પસાર કર્યો હતો, જે દેશમાં રમતનું સંચાલન કરતી સંસ્થા છે, જેમને સાંસદોએ 'ભ્રષ્ટ' હોવાનો દાવો કર્યો હતો.

આ પણ વાંચો: