દિપક ચાહરનું આ અભિનેતાની બહેન પર આવી ગયું છે દિલ, જાણો ક્યારે કરશે સગાઈ

ઘણાબધા ક્રિકેટર્સે બોલિવૂડ એક્ટ્રેસ સાથે લગ્ન કર્યા છે. ત્યારે વધુ એક ક્રિકેટર દિપક ચાહર એક અભિનેતાની બહેનને ડેટ કરી રહ્યો હોવાની વાતો વહેતી થઈ છે. આ બન્ને IPLપૂર્ણ થયા બાદ સગાઈ કરશે તેવી પણ ચર્ચાઓએ જોર પકડ્યું છે.

• ક્રિકેટર્સની નજર બોલિવૂડ પર
• વધુ એક ક્રિકેટર્સ બોલિવૂડ સેલિબ્રિટી સાથે કરશે લગ્ન
• ફાસ્ટ બોલર દિપક ચાહર એક અભિનેતાની બહેનને કરી રહ્યો છે ડેટ

ન્યૂઝ ડેસ્ક: વિરાટ કોહલી, હરભજન સિંહ સહિત ઘણાબધા ક્રિકેટર્સે બોલિવૂડ એક્ટ્રેસ સાથે લગ્ન કર્યા છે. ત્યારે હાલમાં દિપક ચાહરની નજર પણ બોલિવૂડ પર હોય તેમ દેખાઈ રહ્યું છે. તે હાલમાં એક અભિનેતાની બહેનને ડેટ કરી રહ્યો હોવાનું જાણવા મળ્યું છે. બન્ને IPL બાદ સગાઈ કરી લે તેવી પણ ચર્ચાઓ થઈ રહી છે.

બિગ બોસના પૂર્વ પ્રતિસ્પર્ધીની બહેન છે દિપકનો પ્રેમ

પ્રાપ્ત માહિતી અનુસાર, ફાસ્ટ બોલર દિપક ચાહર હાલમાં અભિનેતા વિશાલ ભારદ્વાજની બહેન જયા ભારદ્વાજને ડેટ કરી રહ્યો છે અને તેઓ જલ્દી જ લગ્ન કરવાની તૈયારીમાં પણ છે. જોકે, થોડા દિવસોમાં જ IPL ફરીથી શરૂ થવાની હોવાથી તેઓ ત્યારબાદ સગાઈ અને લગ્ન કરશે, તેમ સૂત્રો પાસેથી જાણવા મળ્યું છે.