કોલકાતા: વર્લ્ડ કપ 2023ની 36મી મેચમાં ભારતે દક્ષિણ આફ્રિકા પર 243 રનથી શાનદાર જીત મેળવી છે. વર્લ્ડ કપ 2023માં ભારત અત્યાર સુધી અજેય ટીમ રહી છે. તેણે આઠ મેચ રમી છે અને તમામ મેચ જીતી છે. ભારતે મેચના દરેક ક્ષેત્રમાં સારું પ્રદર્શન કર્યું છે. બેટિંગમાં 327નો સ્કોર હોય કે બોલિંગ અને ફિલ્ડિંગના કારણે આફ્રિકાને 83 રનમાં આઉટ કરી દેવું.
બેસ્ટ કેચ ઓફ ધ મેચના એવોર્ડથી સન્માનિત:ભારતે આ મેચમાં ઘણા શાનદાર કેચ લીધા અને ઘણા મહત્વપૂર્ણ રન રોક્યા. ભારતની મેચ પછી ફીલ્ડર ઓફ ધ મેચ એવોર્ડ એ ખાસ ક્ષણ છે. જેની ભારતીય ટીમના ખેલાડીઓ આતુરતાથી રાહ જોઈ રહ્યા છે. આફ્રિકા સામેની જીત બાદ ભારતીય કેપ્ટન રોહિત શર્માને બેસ્ટ કેચ ઓફ ધ મેચના એવોર્ડથી સન્માનિત કરવામાં આવ્યો હતો.
આ એવોર્ડ શ્રેયસ અય્યરે આપ્યો:જોકે રોહિત શર્મા તેની બેટિંગ અને નેતૃત્વના ગુણો માટે જાણીતો છે. પરંતુ રવિવારે તેના એવોર્ડમાં બેસ્ટ ફિલ્ડર ઓફ ધ મેચનો એવોર્ડ પણ ઉમેરાયો હતો. આ એવોર્ડ તેમને શ્રેયસ અય્યરે આપ્યો હતો. જેણે આફ્રિકા સામે શાનદાર અડધી સદીની ઇનિંગ રમી હતી. આ એવોર્ડ બાદ ભારતીય ખેલાડીઓનો જશ્ન જોવા મળવાનો હતો. બેસ્ટ ફિલ્ડરનો એવોર્ડ જાહેર થતાં જ તમામ ખેલાડીઓ રોહિત શર્માને વળગીને ઉજવણી કરવા લાગ્યા હતા.
શા માટે આપવામાં આવે છે એવોર્ડ: 'ફિલ્ડર ઓફ ધ મેચ' મેડલ ભારતના ફિલ્ડિંગ વિભાગના કોચ ટી દિલીપના મગજની ખોજ છે, જેનો ઉદ્દેશ્ય ભારતીય ટીમને ઉત્તમ ફિલ્ડિંગ માટે પ્રોત્સાહિત કરવાનો છે. આ મેડલ પરંપરાથી ભારતીય ટીમને ઘણો ફાયદો થયો છે.
આ પણ વાંચો:
- world cup 2023: આજે શ્રીલંકા અને બાંગ્લાદેશ વચ્ચે મુકાબલો, બપોરે 2 વાગ્યાથી મેચ શરુ થશે
- World cup 2023: જાડેજાનો જાદુ ,આફ્રિકા 83 રનમાં ઓલ આઉટ, ભારતનો ભવ્ય વિજય
