Cricket world cup 2023: પાકિસ્તાનના સેમિફાઇનલમાં પહોંચવાની તક પર લોકોએ મીમ્સ સાથે મજા કરી

શ્રીલંકા સામે ન્યૂઝીલેન્ડની જીત બાદ પાકિસ્તાનની સેમિફાઈનલમાં પહોંચવાની આશાઓ પર પાણી ફરી વળ્યું હતું. કારણ કે ન્યૂઝીલેન્ડે માત્ર શ્રીલંકાને હરાવ્યું જ નહીં પરંતુ સારા રન રેટ સાથે માત્ર 23 ઓવરમાં મેચ જીતી લીધી હતી. જે બાદ સોશિયલ મીડિયા પર મીમ્સનું પૂર આવ્યું હતું.

નવી દિલ્હીઃ વર્લ્ડકપ 2023ની સેમીફાઈનલમાં પહોંચવાની પાકિસ્તાનની આશા લગભગ ઠગારી નીવડી છે. પાકિસ્તાનને વર્લ્ડ કપ 2023માં સેમિફાઇનલમાં પહોંચવાની આશા હતી. પાકિસ્તાન માટે એકમાત્ર વિકલ્પ એ હતો કે શ્રીલંકા વિરુદ્ધ ન્યૂઝીલેન્ડની મેચમાં શ્રીલંકા જીતે અને પછી પાકિસ્તાન તેની છેલ્લી મેચમાં ઈંગ્લેન્ડ સામે જીતે. પરંતુ તેનાથી વિપરિત ન્યૂઝીલેન્ડે અફઘાનિસ્તાનને 23 ઓવરમાં પરાજય આપીને મેચ જીતી લીધી હતી. આ પછી પાકિસ્તાનનું વર્લ્ડ કપની સેમીફાઈનલમાં પહોંચવાનું સપનું માત્ર સપનું જ રહી ગયું છે.

ઇંગ્લેન્ડને 275 રનથી હરાવવું પડશે:સેમિફાઇનલમાં પહોંચવા માટે પાકિસ્તાનને કાં તો ઇંગ્લેન્ડને 275 રનથી હરાવવું પડશે. અથવા ઈંગ્લેન્ડે આપેલ લક્ષ્ય માત્ર 2.3 ઓવરમાં હાંસલ કરવું પડશે. જેમાં બીજું બિલકુલ શક્ય નથી. ન્યૂઝીલેન્ડની જીત બાદ લોકોએ સોશિયલ મીડિયા પર પાકિસ્તાનના મીમ્સનો ઉપયોગ કરીને મજા માણી હતી.

વસીમ અકરમની ફની કોમેેન્ટ:વસીમ અકરમે એક ઈન્ટરવ્યુમાં પાકિસ્તાનની સેમીફાઈનલમાં પહોંચવાની તકોનો આનંદ માણતા કહ્યું હતું કે 'પાકિસ્તાને ઈંગ્લેન્ડ સામે પહેલા બેટિંગ કરવી જોઈએ અને રન બનાવવા જોઈએ, પછી ઈંગ્લેન્ડની ટીમને સમય સમાપ્ત થાય ત્યાં સુધી ડ્રેસિંગ રૂમમાં બંધ કરી દેવો જોઈએ.

એક યુઝરે લખ્યું કે:અન્ય એક્સ યુઝરે લખ્યું છે કે, આખરે પાકિસ્તાન કરાચી એરપોર્ટ માટે ક્વોલિફાઈ થઈ ગયું છે. અન્ય એક યુઝરે લખ્યું છે કે પાકિસ્તાને કરાચી એરપોર્ટનું નામ બદલીને સેમીફાઈનલ કરવું જોઈએ.

બાબર આઝમ બેવડી સદી ફટકારશે:એક યુઝરે પાકિસ્તાન ટીમ પર હસતા સ્કોર કાર્ડ શેર કર્યું છે. બતાવવામાં આવી રહ્યું છે કે ઈંગ્લેન્ડ સામેની મેચમાં પાકિસ્તાન આવું પ્રદર્શન કરશે. સ્કોર કાર્ડ મુજબ બાબર આઝમ બેવડી સદી ફટકારશે. ફખર ઝમાન 57 બોલમાં 138 રન બનાવશે. પ્રથમ બેટિંગ કરતા પાકિસ્તાન 420 રન બનાવશે. જે બાદ ઈંગ્લેન્ડ 69 રનમાં ઓલઆઉટ થઈ જશે. જેમાં શાહીન આફ્રિદી 7 વિકેટ લેશે.

આ પણ વાંચો: