અફઘાનિસ્તાની તાકાતની વાત કરીએ તો તેઓની તાકાત બોલિંગ છે. આ ટીમ 250-280 ના સ્કોરને પણ ચેઝ કરવાનો દમ રાખે છે. તેમના ટ્રમ્પ કાર્ડની વાત કરીએ તો તે છે રાશિદ ખાન... જેણે પોતાની ઝડપી બોલિંગને કારણે દુનિયાભરના બલ્લેબાજોને પરેશાન કરી દીધા છે. રાશિદ ખાનનો સામનો કરવો કોઈપણ બેટ્સમેન માટે સરળ નથી.
તેમના સિવાય મુજીબ ઉર રહેમાન, મોહમ્મદ નબી બીજા 2 એવા સ્પિનર છે જે પોતાની સ્પિનને કારણે દિગ્ગજ બલ્લેબાજોને ફસાવવા માટેની હિંમત રાખે છે.
ઝડપી બોલિંગમાં અફઘાનિસ્તાન પાસે કેપ્ટન ગુલબદીન નૈબ, દૌલત જાદરાન, હામિદ હસન,અફતાબ આલમ છે. આ બધા જ ઇંગ્લેન્ડની પરીસ્થિતીઓમાં સારુ પ્રદર્શન કરવાની ક્ષમતા ધરાવે છે.
હવે આ ટીમના નેગેટિવ પોઈન્ટ વિશે વાત કરીએ તો, પ્રથમ ઈંગ્લેન્ડમાં રમવાનો અનુભવ...ટીમે અત્યાર સુધીમાં જેટલા પણ મોટા મેચ રમ્યા છે તેમજ બાજી પલટાવી છે તે બધા જ ઉપમહાદ્વિપમાં કર્યા છે. ઈંગ્લેન્ડ જેવી પરીસ્થિતીમાં આ ટીમ કેટલી કારગત નીવડે છે તે તો સમય જ બતાવશે.
બીજી સમસ્યા છે બોલિંગ...ટીમમાં 250-280 રન સુધીના લક્ષ્ય સુધી રમવાની તાકાત છે પરંતુ જો 300 ની આસપાસ લક્ષ્ય થાય તો આ ટીમને સમસ્યા થઈ શકે છે.
વર્લ્ડ કપના પ્રેક્ટિસ મેચમાં અફઘાનિસ્તાને પાકિસ્તાનને માત આપી હતી અને તે મેચમાં ટીમની બેટીંગે સારુ પ્રદર્શન કર્યું હતુ. અહમદ શાહજાદ, નૂર અલી જાદરાન, હસમાતુલ્લાહ શાહિદી ટીમના પ્લસ પોઈન્ટ છે. આ ત્રણેય સિવાય હઝરતુલ્લાહ જાજઈ અને નાઝિબુલ્લાહ જાદરાન પણ છે. અંતમાં રાશિદ અને નબી તેજીથી રન બનાવવાની હિંમત રાખે છે.
તો બીજી તરફ ઓસ્ટ્રેલિયાની વાત કરીએ તો, તેઓએ ખરા સમયે ફોર્મનાં વાપસી કરી છે . 2018 સુધી આ ટીમને નબળી માનવામાં આવતી હતી પરંતુ 2019 માં આ ટીમે ભારતને ભારતમાં હરાવ્યું અને પછિ પાકિસ્તાનને 5-0 થી માત આપી.