ઓસ્ટ્રેલિયન કેપ્ટન મેગ લેનિંગે કહ્યું- કોરોનાથી મહિલા ક્રિકેટ પર બહુ અસર નહીં થાય

લેનિંગે આશા વ્યક્ત કરી છે કે, નિર્ધારિત સમયપત્રક અનુસાર, આવતા વર્ષે ફેબ્રુઆરી અને માર્ચમાં ન્યૂઝીલેન્ડમાં વનડે વર્લ્ડકપ યોજાશે. વર્લ્ડ કપ જીતનાર ઓસ્ટ્રેલિયન મહિલા ટીમની કેપ્ટન મેગ લેનિંગને વિશ્વાસ છે કે, માર્ચમાં વર્લ્ડકપ જીત્યા બાદ મહિલા ક્રિકેટમાં જે પોઝિટિવ વાતાવરણ સર્જાયું છે, તેના પર કોવિડ-19ની કોઈ અસર નહીં થાય.

મેલબોર્ન: ઓસ્ટ્રેલિયાની વર્લ્ડ કપ વિજેતા કેપ્ટન મેગ લેનિંગને આશા છે કે, વિમેન્સ વનડે વર્લ્ડકપ આવતા વર્ષે યોજના સમય મુજબ જ યોજાશે અને કોરોનાને કારણે તૈયારીઓ પર કોઈ અસર નહીં પડે.

મહત્વનું છે કે, આવતા વર્ષે ફેબ્રુઆરી-માર્ચમાં ન્યુઝીલેન્ડમાં પચાસ ઓવરનો વર્લ્ડ કપ યોજાવાનો છે, પરંતુ જો કોવિડ-19 રોગચાળાની અસર ટી-20 મેન્સ વર્લ્ડકપ જેવી આંતરરાષ્ટ્રીય ટૂર્નામેન્ટોમાં થઈ શકે, તો એવી અટકળો છે કે મહિલાઓની સ્પર્ધા પર પણ અસર થઈ શકે છે.

લેનિંગે કહ્યું કે, મને નથી લાગતું કે કોરોનાની મહિલા ક્રિકેટ પર કોઈ મોટી અસર પડશે. સદભાગ્યે અમારા માટે આ છેલ્લી મોટી ટુર્નામેન્ટ હતી જે આપણે રમ્યા હતા. દરેકની યાદોમાં આ છેલ્લી ક્ષણ છે, પહેલા મેચમાં જે સાધનોનો ઉપયોગ કરતા હતાં. હવે ઓછા હશે, આ માટે આપણે એક-બીજાને મદદ કરી સાથે મળીને કામ કરવું પડશે.

મહત્વનું છે કે, T-20 વર્લ્ડ કપની ફાઇનલમાં ઓસ્ટ્રેલિયાએ ભારતને 85 રને હરાવ્યું હતું. આમ, ઓસ્ટ્રેલિયાએ ટાઇટલ જીતી લીધું હતું.