શિખર ધવને પુત્ર જોરાવર સાથે કર્યો જોરદાર ડાન્સ, વીડિયો વાયરલ...

ભારતીય ટીમના ઓપનર શિખર ધવન લોકડાઉન દરમિયાન પોતાના પરિવાર સાથે ઘરે સમય વિતાવી રહ્યો છે, ત્યારે ધવને સોશિયલ મીડિયા પર એક વીડિયો શેર કર્યો છે. જેમાં તે પુત્ર જોરાવર સાથે ડાન્સ કરતો જોવા મળી રહ્યો છે.

હૈદરાબાદ: ઓપનર શિખર ધવન ઘરે બાળકો સાથે રમવાથી માંડીને હાથ ધોવા અને પેક્ટિસ સુધીની વિવિધ પ્રવૃત્તિઓમાં પોતાને વ્યસ્ત રાખે છે. આ દરમિયાન ધવન પોતાના ચાહકો સાથે જોડાયેલા રહેવા માટે સોશિયલ મીડિયા પર વીડિયો અપલોડ પણ કરી રહ્યો છે.

ધવને પુત્ર જોરાવર સાથે બોલિવૂડના લોકપ્રિય ગીત "ડેડી કૂલ" પર ડાન્સ કરતો હોવાનો એક વીડિયો પોસ્ટ કર્યો છે. ડાબા હાથના ઓપનરે ઈન્સ્ટાગ્રામ પર પોસ્ટ વીડિયો શેર કરતાં લખ્યું કે, "આ મસ્તીખોર સાથે જીવન ખૂબ આનંદકારક રહે છે! સાચું બાલુ તો પિતા અને પુત્ર બંને કૂલ!."

આ પહેલા ભારતીય ટીમના ઓપનર શિખર ધવને ખુલાસો કર્યો હતો કે, તે વર્તમાન લોકડાઉન દરમિયાન વાંસળી વગાડવાનું શીખી રહ્યો છે.

ધવન સાથે ટીમ ઈન્ડિયાના મિડલ ઓર્ડર બેટ્સમેન શ્રેયસ ઐયરે ઇન્સ્ટાગ્રામ લાઇવ પર કહ્યું હતું કે, 'સંગીત તમને શાંતિ આપે છે અને દરેકને કોઈ સાધન વગાડતા શીખવું જ જોઇએ. ખાસ કરીને એવા સમયે જ્યારે તમારી પાસે ઘણો સમય હોય.