વિરાટ કોહલીનો આજે જન્મદિવસ, મિત્રો અને ફેન્સે પાઠવી શૂભેચ્છા

વિરાટ કોહલીના 32મા જન્મદિવસે તેમના ચાહકો અને સોશિયલ મીડિયાના માધ્યમથી સાથી ક્રિકેટરોએ તેમને જન્મદિવસની શુભકામના પાઠવી છે.

• આજે વિરાટ કોહલીનો જન્મદિવસ
• BCCIએ પાઠવી જન્મદિવસની શુભકામના
• સચિને પાઠવી શુભેચ્છા

નવી દિલ્હી: આજે ગુરુવારે ભારતીય ક્રિકેટ ટીમના કેપ્ટન વિરાટ કોહલીનો 32મો જન્મદિવસ છે. કોહલી ક્રિકેટના મેદાન પર પોતાના આક્રમક અંદાજને લઇને ખૂબ જાણીતો છે. તેમની સાથે તે આક્રમક બેટિંગ માટે પણ ઓળખાય છે. વિરાટે ક્રિકેટના મેદાન પર ઘણા બધા રેકોર્ડ બનાવ્યા છે. આ ઉપરાંત સોશિયલ મીડિયા પર સૌથી વધુ ફોલો થનારો ભારતીય કેપ્ટન છે. 5 નવેમ્બર 1988માં જન્મેલા વિરાટ કોહલીએ 19 વર્ષની ઉંમરમાં શ્રીલંકાના દામ્બુલામાં ક્રિકેટની શરૂઆત કરી હતી.

વનડે ક્રિકેટમાં બનાવ્યા 11 હજારથી વધુ રન

ભારત માટે 86 ટેસ્ટ, 248 વનડે ઈન્ટરનેશનલ અને 82 T-20 ઈન્ટરનેશનલ મેચ રમનારા કોહલીએ સમગ્ર દુનિયામાં પોતાની પ્રતિભા બતાવી છે. વનડે ક્રિકેટમાં તેમણે 11,000થી વધુ રન બનાવ્યા છે.

BCCI એ પણ કોહલીને જન્મદિવસની શુભકામના પાઠવી

સચિન તેંડૂલકરે પણ વિરાટ કોહલીને જન્મદિવસની શુભેચ્છાઓ આપતા તમામ શ્રેષ્ઠ પ્રેરણાદાયક સફર માટે તંદુરસ્ત વર્ષ રહે તેવી શુભકામના પાઠવી હતી.

યુવરાજ સિંહે પણ કોહલીને જન્મદિનની શુભકામના પાઠવતા જણાવ્યું કે, જન્મદ્દીન મુબારક હો કિંગ કોહલી મહાન ભારતીય બેટ્સમેનને જન્મદિવસની ખૂબ ખૂબ શુભેચ્છાઓ! જહાં ભી હો ખુશ રહો, છકે ચોકે મારતે રહો.

ભારતને અપાવી ઘણી ઉપલબ્ધિઓ

કોહલીએ 2011માં વર્લ્ડ કપ અને 2013મા ચેમ્પિયન્સ ટ્રોફી જીતી હતી. તેમણે મહેન્દ્ર સિંહ ધોની સાથે 2014માં ટેસ્ટ ટીમની કપ્તાન સંભાળી હતી અને જાન્યુઆરી 2017માં તે ટીમનો કેપ્ટન બન્યો હતો. પોતાની કપ્તાનીમાં તેમણે ભારતને ઘણી ઉપલબ્ધિઓ આપી છે. તેમની કપ્તાની 2019માં ઓસ્ટ્ર્લિયામાં ટેસ્ટ સિરિઝ જીતનાર ભારત પહેલો દેશ બન્યો છે.