સોશિલય મીડિયામાં કોહલીનો "લોક ડાઉન લુક" થયો વાયરલ

સોશિયલ મીડિયામાં વિરાટ કોહલીનો ફોટો વાઇરલ થઇ રહ્યોં છે જેમાં તેનો લોકડાઉનનો ચહેરો સામે આવી રહ્યોં છે. ફોટોમાં તેના વાળ અને દાઢી વધારે હોય તેવી દેખાઇ રહી છે.

મુંબઈ: ભારતીય ક્રિકેટ ટીમના પૂર્વ કેપ્ટન એમએસ ધોનીનું લોકડાઉન લુક હાલમાં જ સામે આવ્યું હતું. ત્યારબાદ ભારતીય કેપ્ટન કોહલીનો લુક પણ સામે આવ્યો છે. ફેન્સ દ્વારા શેર કરેલી એક સોશિયલ મીડિયા પોસ્ટમાં કોહલીનો નવો લુક દેખાઇ રહ્યો છે. આ ફોટો દર્શકોને ઘણો પસંદ આવ્યો છે.

આ ફોટોમાં વિરાટની દાઢી વધેલી નજરે આવે છે. 31 વર્ષીય કોહલીના વાળ પણ વધી ગયા છે. તે આ દિવસોમાં તેની પત્નિ અને એક્ટ્રેસ અનુષ્કા શર્મા સાથે મુંબઇમાં પોતાના ઘરે છે.

ઉલ્લેખનિય છે કે કોહલી આ દિવસોમાં સોશિયલ મીડિયામાં એક્ટિવ છે. તે કેટલીક વખત લાઇવ પણ આવે છે. ટીમના ખેલાડીઓ સાથે વાતચીત કરે છે. એટલું જ નહી તે હાલમાં જ હાર્દિક પંડ્યાની એક ચેલેન્જને પુરી કરતા પણ નજરે ચડ્યો હતો.