એકસ્ટ્રા રન આપવાના કારણે ભારત હાર્યું: યશસ્વીના પિતા

ઉત્તર પ્રદેશના ભદોઈ જિલ્લાના સુરિયાવાના રહેવાસી યશસ્વી જયસ્વાલને અંડર-19 વર્ડ કપમાં મેન ઓફ ધ ટૂર્નામેન્ટનો એવોર્ડ આપવામાં આવ્યો છે. યશસ્વીના પિતા ભૂપેન્દ્ર જયસ્વાલ ભારતીય ટીમની હારથી નાખુશ છે. તેમના મતે એકસ્ટ્રા રન આપવાના કારણે ભારતીય ટીમને હારનો સામનો કરવો પડ્યો છે.

ઉત્તર પ્રદેશ: વર્ડ કપ ફાઈનલમાં ભારત 3 વિકેટથી બાંગ્લાદેશ સામે હારી ગયું હતું. યશસ્વીના શાનદાર પરફોર્મન્સની ચર્ચા દેશભરમાં જોરશોરથી થઈ રહી છે. ટીમ ઈન્ડિયાની હારથી યશસ્વીના પિતા વ્યથિત થયા છે.

યશસ્વીના પિતા ભૂપેન્દ્ર જયસ્વાલે કહ્યું કે, દિકરાને મેન ઓફ ધ ટૂર્નામેન્ટનો એવોર્ડ મળવાની સાચી ખુશી તો ત્યારે થાત, જ્યારે યશસ્વી ભારતને વિશ્વ કપ અપાવી શક્યો હોત. ભારતીય ટીમે વધારે એકસ્ટ્રા રન આપ્યા હતા. જે કારણે ટીમને હારનો સામનો કરવો પડ્યો.

આ સાથે તેમનો દિકરો સખત મહેનત કરે, અને ભવિષ્યમાં નેશનલ ટીમ માટે પણ રમે તેવી ઈચ્છા વ્યક્ત કરી હતી.

યશસ્વી જયસ્વાલે ફાઈનલમાં 88 રન બનાવ્યા હતા. તેણે ફાઈનલમાં સૌથી વધુ રન કરનારો ખેલાડી પણ બન્યો હતો. આ સાથે તેણે એક વિકેટ અને એક કેચ પણ પકડ્યો હતો. યશસ્વીએ અંડર 19 વર્ડ કપના ઘણા રેકોર્ડ તોડ્યા છે.