આકલૈન્ડ: 5 T-20 મેચની સીરિઝની પ્રથમ મેચ પહેલા ભારતીય ટીમના કેપ્ટન વિરાટ કોહલી અને ન્યૂઝીલેન્ડના કેપ્ટન કેન વિલિયમસને ટ્રોફી સાથે ફોટો ક્લિક કર્યો છે. આ ફોટાને BCCIએ શેર કર્યો છે. BCCIએ ટ્વિટર એકાઉન્ટમાં એક ફોટો શેર કર્યો છે. જેમાં ભારતીય ક્રિકેટ ટીમના કેટલાક ખેલાડીઓ કિટ સાથે જોવા મળી રહ્યા છે, અન્ય એક ફોટોમાં ભારતીય ટીમના કેપ્ટન અને ન્યૂઝીલેન્ડ ટીમના કેપ્ટન કેન વિલિયમસન ટ્રોફી સાથે જોવા મળી રહ્યા છે.
ભારતીય ક્રિકેટ ટીમનો ઓપનિંગ બેટ્સમેન શિખર ધવન ઈજાગ્રસ્ત થવાથી ન્યૂઝીલેન્ડ પ્રવાસ પર રમાનારી વન-ડે અને T-20 સીરિઝ પહેલા બહાર થયો છે. BCCIએ શિખર ધવનના સ્થાને સંજૂ સૈમસનને T-20માં સ્થાન આપ્યું છે. સૈમસનને શ્રીલંકા વિરુદ્ધ રમાયેલી સીરિઝ બાદ બહાર કરવામાં આવ્યો હતો, પરંતુ ન્યૂઝીલેન્ડ પ્રવાસ પર વાપસી કરવામાં સફળ રહ્યો છે.
ભારતને ન્યૂઝીલેન્ડમાં 5 મેચની T-20 સીરિઝ રમશે. આ સીરિઝની શરુઆત 24 જાન્યુઆરીથી થશે. ત્યારબાદ ત્રણ મેચની વનડે સીરિઝ રમાશે, બાદમાં બંને ટીમ 2 ટેસ્ટ સીરિઝ રમશે. ભારતીય ટીમ આ પ્રવાસ પહેલા આત્મવિશ્વાસથી ભરપૂર જોવા મળી રહી છે. કારણ કે,હાલમાં જ ધરઆંગણાની સીરિઝમાં ઓસ્ટ્રેલિયાને ત્રણ મેચની સીરિઝમાં 2-1થી જીત મેળવી હતી.